БНСУ-д коронавирусын халдвартай гэж оношлогдсон монгол иргэний биеийн байдал хүнд байна гэв

Twitter Print
2020 оны 02-р сар 25-нд 12:17 цагт
Мэдээний зураг,

БНСУ-ын зарим хэвлэл Монголоос ирсэн 35 настай эрэгтэйгээс коронавирусын халдвар илэрсэн талаар мэдээлсэн. Эрүүл мэндийн яамны 11:00 цагийн ээлжит хэвлэлийн бага хурлын үеэр Олон нийттэй харилцах, тандалт, шуурхай удирдлагын хэлтсийн дарга Д.Нарангэрэл энэ талаар мэдээлэл өгсөн юм.

Тэрбээр "БНСУ-д коронавирусын халдвар авсан хэмээн оношлогдсон 35 настай монгол иргэн нь элэгний архаг үрэвсэлтэй. Хоёрдугаар сарын 12-ны өдөр ОМ-301 гэх онгоцоор БНСУ-аас эмчлүүлэхээр явсан байна. БНСУ-д очоод дүүргийнхээ эмнэлэгт эмчлүүлж байсан гэнэ. Ингээд шинжилгээ өгөхөд коронавирусийн халдварын шинжилгээ нь нэмэх гарсан. Цуг явсан эхнэр болон эгчээс нь коронавирусийн халдвар илрээгүй байна. Илрээгүй учраас тусгаарлаагүй. Өвчлөлийн нууц үеийн хугацаа бүх зүйлийг тооцож үзэхэд, энэ хүн БНСУ-д дүүргийн шат шатны эмнэлгээр явж шинжилгээ өгч байхдаа халдвар авсан байх магадлал өндөр. ГХЯ, цагдаа, хяналтын бүх байгууллага энэ хүний хаагуур явсан, хаана шинжилгээ өгсөн зэрэг бүх маршрутыг нягталж байгаа" гэв. 

Иргэн О нь 1984 онд төрсөн, 35 настай. 2019 оны арванхоёрдугаар сарын 8-нд БНСУ-аас OM-301 онгоцоор Монголд иржээ. Харин Монголоос 2020 оны хоёрдугаар сарын 12-нд БНСУ-руу элэг шилжүүлэхээр очоод байжээ. Өмнө нь Засгийн газрын хэвлэл мэдээлэл, олон нийттэй харилцах албанаас уг иргэнийг нас барсан гэж мэдээлсэн ч, Эрүүл мэндийн яам үгүйсгэсэн байна. Салбар яамнаас "БНСУ-ын талаас андуурч, бидэнд нас барсан гэх мэдээлэл өгсөн. Одоогоор иргэний биеийн байдал маш хүнд байна" гэж мэдээллээ. 

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.