Талархлын хүч

Twitter Print
2022 оны 05-р сар 27-нд 12:17 цагт
Мэдээний зураг,

Хүн гэдэг амьдралд нь юу ч болж байсан байнга л илүү ихийг, илүү сайхныг шунан хүсдэг… байгаа юмныхаа “ид шидийг” үзэж амжаа ч үгүй байж. Бид илүү сайхан, илүү их юмтай болчих л юм бол жаргачих гээд байгаа мэтээр боддог болсон байна. Ингэхдээ байгаадаа талархаж явах ёстойгоо ор тас мартаж орхиж...

Гэтэл талархах сэтгэл гэдэг асар хүчтэй. Талархах сэтгэл өндөр давтамж үүсгэдэг нь сайн сайхан үйл явдал, эерэг зүйлсийг яг л соронз адил татдаг. Хэзээ ч юм “захиалсан” хүслийг чинь орчлон хүлээн авч биелүүлэх гэсээр хэсэг хугацаа өнгөрч гэж бодьё. Хүссэн зүйлээ сая нэг хүлээж аваад та талархснаа илэрхийлэхийн оронд дараачийн хүслээ хэдийн бодож эхэлдэг. Та өөрөө бөөн юм болж байж хэн нэгний хүслийг биелүүлж өгтөл тэр хүн танд “Баярлалаа” ч гэж хэлсэнгүй гээд төсөөлөөд үз. Та тэр хүнд дараагийн удаа туслах болов уу? Үгүй л болов уу...

Та өөрт байгаа бүхнийхээ төлөө орчлонд (та Бурхан гэнэ үү, хувь заяа гэнэ үү таны дур) таларха. Чин сэтгэлээсээ. Та нарын зарим нь надтай санал нийлэхгүй байх л даа. “Яалаа гэж талархах ёстой юм? Ядуу тарчиг амьдарч яваадаа, өвчиндөө шаналж яваадаа, араараа тавиулсандаа эсвэл ганцаардаж яваадаа юу? Бидний эргэн тойронд шударга бус явдал гаарч байгаад уу? Эсвэл хайртай дотно хүмүүсээ алдаж амьдын там эдэлж яваадаа юу?” гэх байх...

Та бүхэнд сануулж хэлэхэд таталцлын хуулийг хэн ч “болиулаагүй” байгаа. Та "хорвоо шударга бус" гэдэгт итгэж, зовлон бэрхшээл тохиолдох тоолонд уурлаж бухимдан бусдад атаархаж хорсож явдаг бол та нам давтамж “ялгаруулж”, улмаар муу муухай бүхнийг өөртөө татна.

Сайн сайхан бүхнийг өөртөө татья л гэвэл байгаа бүхэндээ талархаж сурах нь чухал. Амьд мэнд яваадаа... хорвоог сайнтай муутай нь мэдрэх чадвартайдаа... уух ус, идэх хоолтой байгаадаа баярлаж яв. Таныг гэх хүн хаа нэгтээ байгаад талархаж бай. Өдөр бүр: өглөө дөнгөж сэрээд, мөн орой унтахаасаа өмнө. Байгаадаа талархана гэдэг нь илүү сайн сайханд тэмүүлэхээ боль гэсэн үг биш! Тэмүүлсээр бай, хүсэж мөрөөдсөөр бай! Зүгээр л… байгаадаа талархаж явахад хүссэнээс чинь илүү сайн сайхан зүйл (эрүүл мэнд, аз жаргал г.м.) амьдралд чинь аяндаа ороод л ирнэ!

- Юлия Кравченко

Орчуулсан: Өлзийбатын Уянга

2022-04-20

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.