Д.Тогтохсүрэн, С.Чинзориг, Г.Ганболд нар татагдах болзлоо хангасныг шүүх тогтоожээ

Twitter Print
2020 оны 06-р сар 28-нд 19:52 цагт
Мэдээний зураг,

УИХ-ын сонгуулийн сурталчилгааны албан ёсны нээлтийн өдөр буюу 2020 оны зургадугаар сарын 2-нд Өвөрхангай аймагт МАН-аас нэр дэвшигч Д.Тогтохсүрэн, С.Чинзориг, Г.Ганболд нар нь бусдаар дамжуулж, хууль зөрчин урлагийн тоглолт зохион байгуулсныг хэвлэлүүд бичиж байсан.

Уг асуудлыг Өвөрхангай аймгийн Цагдаагийн хэлтэс шалгаж, зөрчил үйлдэгдснийг тогтоож, шүүхэд шилжүүлжээ. Тус маргааныг 2020 оны зургадугаар сарын 25-ны өдөр Өвөрхангай аймгийн Хар хорин дахь сум дундын эрүүгийн хэргийн шүүхээр хэлэлцээд 256-р шийтгэврээр Сонгуулийн тухай хууль зөрчсөнийг тогтоосон аж.

Тодруулбал МАН-аас УИХ-ын сонгуульд нэр дэвшигчид Зөрчлийн тухай хуулийн 17.1.16.2-т зааснаар 20 сая төгрөгийн торгууль ногдуулжээ. Хуулийн энэхүү заалтаар Д.Тогтохсүрэн, С.Чинзориг, Г.Ганболд нарыг тангараг өргүүлэхгүй бөгөөд цаашлаад нэрсийн жагсаалтаас хасах хууль зүйн үндэслэл бүрдэж байгаа юм.

Г.Ганаа

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.