Нүүрсний хэрэгт яллагдагчаар татагдсан УИХ-ын зургаан гишүүний нэрийг зарлалаа

Нүүрсний гэгдэх хэрэгтэй холбоотой сүүлийн үеийн мэдээллийг Авлигатай Тэмцэх Газраас өнөөдөр өглөө. 

"Нүүрсний гэх тодотголтой хэргийг мөрдөн шалгах ажиллагааны явцад нийт 78 иргэн, албан тушаалтанд эрүүгийн хэрэг үүсгэж, яллагдагчаар татсан байна. Яллагдагч нарыг албан тушаалын байдлаар нь авч үзвэл нийтийн албан тушаалтан 42 байна. УИХ-ын зарим гишүүнийг яллагдагчаар татсан" талаарх мэдээллийг АТГ-ын Хэвлэл мэдээлэл, олон нийттэй харилцах ажилтан, комиссар Н.Тэмүүлэн өглөө. 

Үүнд:

• Зам, тээврийн сайд асан нэг

• Төрийн нарийн бичгийн дарга асан хоёр

• Аймаг сумын засаг дарга хоёр

• УИХ-ын гишүүний зөвлөх нэг

• Гаалийн улсын байцаагч 12

• Хил хамгаалах байгууллагын дөрөв

• Авто тээврийн үндэсний төвийн дөрвөн албан тушаалтан

• Боомтын захиргааны мэргэжилтэн хоёр

• Эрдэнэс Тавантолгой зургаа

• Тавантолгой төмөр зам компанийн гурван албан тушаалтныг яллагдагчаар татсан юм. 

Хэргийг шалгах явцад 17 яллагдагчид цагдан хорих, таслан сэргийлэх арга хэмжээ авснаас найм нь цагдан хоригдож байгаа.

Түүнчлэн улсын хилээр гарахыг хориглосон 35, албан үүргээ биелүүлэхийг түдгэлзүүлэх дөрөв, хувийн баталгаа авах, таслан сэргийлэх арга хэмжээг 26 яллагдагчид авсан.

Мөрдөн шалгах ажиллагааны явцад 13.8 тэрбум төгрөгийн хахууль авсан нөхцөл байдал тогтоогдсон. 

Тухайлбал:

• Үл хөдлөх хөрөнгө 94

• Орон сууц 83

• Оффисийн гурван талбай

• Зогсоол тав

• Агуулах гурав

• 48 тээврийн хэрэгсэл

• Газар тав

• Хоёр хуулийн этгээдийн хувьцаа

• 35 иргэн, 39 хуулийн этгээдийн арилжааны банкан дахь зарлагын гүйлгээ

• Дөрвөн иргэний 3.2 тэрбум төгрөгийн үнэлгээ бүхий үнэт цаас, бондын хөрөнгийн шилжилт хөдөлгөөнийг хязгаарласан" гэлээ.

"УИХ-ын гишүүн Д.Бат-Эрдэнийн хувьд Эрүүгийн цагдаагийн албаны шалгаж байгаа хэрэгт одоогийн байдлаар яллагдагчаар татагдсан. Эрүүгийн цагдаагийн алба шалгаж байгаа хэдий ч ажлын хэсэг явж байгаа учраас АТГ-ын мөрдөгчид уг хэргийг хамтран шалгаад явж байна” гэдгийг хэллээ.

Өнгөрсөн хугацаанд мөрдөн шалгах ажиллагааны явцад нийт 78 иргэн албан тушаалтанд эрүүгийн хэрэг үүсгэж яллагдагчаар татсан байна. Яллагдагч нарын албан тушаалын байдлаар авч үзвэл нийтийн албан тушаалтан 42 шалгагдаж байгаа аж. 

 

Энэ мэдээ танд таалагдаж байвал LIKE хийгээрэй. Танд баярлалаа.