Юта Жазз багийн хамгаалагч Жордан Кларксон улирлын зургаа дахь шилдэг тоглогчоор тодорчээ

Twitter Print
2021 оны 05-р сар 25-нд 15:48 цагт
Мэдээний зураг,

Хойд Америкийн сагсан бөмбөгийн лигийн улирал энэ сарын 17-ны өдөр дууссан билээ. Уламжлал ёсоор сагсан бөмбөгийн холбоо улирлын шилдэг тоглогчдыг тодруулдаг. Тэгвэл Юта Жазз багийн хамгаалагч Жордан Кларксон улирлын шилдэг зургаа дахь тоглогчоор тодорчээ.

Өнөөдөр хойд Америкийн сагсан бөмбөгийн холбооны Юта Жазз багийн хамгаалагч Жордан Кларксон болон Жо Инглс TNT телевизээр ярилцлагад оролцож байх үед Кларксонд КИА-ийн нэрэмжит Хойд Америкийн сагсан бөмбөгийн холбооны улирлын шилдэг зургаа дахь тоглогчийн шагналыг гардуулан өгчээ.

Түүний хувьд багийн анд Жое Инглисийн хамт энэ шагналын төлөө нэр дэвшээд байсан. Ингэснээр Кларксон Жаззын түүхэн дэхь тус шагналыг хүртсэн анхны тоглогч боллоо. Кларксон дэлхийн өнцөг булан бүрт байгаа 100 спортын бичээч, сэтгүүлчдээс эхний сонголтын 65 санал, нийт 407 оноо авчээ.

Харин Инглс нэгдүгээр байрын 34 санал, нийт 272 оноо цуглуулсан бол Нью Йорк Никс багийн хамгаалагч Деррик Рөүз 77 оноотой нэгдүгээр байрны нэг санал авч гуравдугаарт бичигдлээ. Киа NBA-гийн зургаа дахь шагналыг авахийн тулд тоглогчид улирлын эхнээс олон тоглолтод сэлгээнээс оролцсон байх шаардлагатай.

Кларксон 68 тоглолтод оролцохдоо нэг тоглолтод гараанд гарч 26.7 минут тоглохдоо 4.0 самбараас бөмбөг авалт, 2.5 дамжуулалт өгч замналынхаа хамгийн өндөр буюу 18,4 оноог дунджилснаар улирлыг дуусгажээ. Тэрээр гурван онооны шидэлтээр 208 оноо авсан нь НБА-д энэ улиралд долдугаар байранд орсон бөгөөд 2-р сарын 15-нд Филадельфиа 76-ийн эсрэг 40 оноо, 5-р сарын 10-нд Голден Стэйт Уарриорсын эсрэг 41 оноо авсан билээ.

Энэ нь замналынх нь түүхэн дэх 40-өөс дээш оноо авсан тав дахь тохиолдол болсон бол хоёрыг энэ улиралд үзүүлжээ. Жаззчууд плэй-оффын эхний шатны цувралаа Мемфисийн эсрэг хийж хожигдсоноор 1: 0-ээр цувралд хожигдож байгаа бол маргааш өглөө Юта мужийн Солт Лейк Ситид цувралын хоёр дахь тоглолтоо хийх гэж байна.

Спортын сэтгүүлч Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.