Нийслэлийн баг плей-оффын хамгийн бага оноо авлаа

Twitter Print
2014 оны 05-р сар 10-нд 14:33 цагт
Мэдээний зураг,

Өнөөдөр плей-оффын хоёр тоглолт болж “Индиана Пейзерс”-“Вашингтон Визардс” 85:63, “Оклахома Сити Тандер”-“Лос Анжелес Клипперс”-ыг 118:112-оор тожсон байна. Өрнөд бүсийн хоёрдугаар байраар гарч ирсэн Оклахома Калифорни мужийн багт талбай дээрээ хожигдоод байсан. Цувралын харьцаа 1:1 байгаа энэ үед хэн хожсон нь бүсийн аваргын төлөө тоглох боломжтой тул хоёр баг бүх хүчээ дайчлан тоглолоо. Талбайн эздээс Б.Гриффин 34 оноо, К.Пол 21 оноо, 16 оновчтой дамжуулалт, Ж.Кроуфорд 20 оноо, М.Барнес 14 оноо, Д.Жордан 10 оноо, 11 удаа самбараас бөмбөг авч дабль-дабль хийжээ. Харин зочин багаас К.Дюрант 36 оноо, Р.Уэстбрук 23 оноо, 13 оновчтой дамжуулалт, С.Ибака 20 оноо, Р.Жексон, К.Батлер нар 14 оноо авч энэ өдөр хожил авахад чухал үүрэг гүйцэтгэсэн юм.

“Лос Анжелес Клипперс”-ын хувьд багийн эзэн нь арьс өнгөөр ялгаварлан гадуурхсан мэдэгдэл хийснээр бүх насаараа NBA-ийн тоглолт үзэх эрхээ хасуулсан. Мөн Д.Стерлингийг нэн даруй багаа зарахыг тулган шаардаж байгаа. Энэ байдлаас үүдээд хамтран ажилдаг томоохон компаниуд нь гэрээгээ цуцлах хүсэлт гаргаж хүнд байдалд ороод байна. Ирэх улиралд шинэ эзэнтэй болох Клипперс улирлыг амжилттай дуусгаж бүх зүйлийг шинээр эхлэх хүсэлтэй байгаагаа багийн ахлагч К.Пол сэтгүүлч нарт ярьжээ.

Дорнод бүсийн тэргүүн баг Индиана хоёрдугаар шатны эхний тоглолтонд хожигдож бага сенсаци дэгдээсэн. Гэвч хоёр дараалан ялалт байгуулж байдлыг бага ч гэсэн намжаагаад байна. Энэ улиралд “Вашингтон Визардс” гайхалтай тоглож байгаа хэдий ч аваргуудыг хожих болоогүй гэдийг нь өнөөдөр “Индиана Пейзерс” харууллаа. Нийслэлийн баг ердөө 32.9 хувьтай тоглож, 63 оноо авчээ. Энэ нь 2013-2014 оны плей-оффын хамгийн бага оноо авсан баг болсон юм. Талбай дээрээ тоглосон Индианагаас П.Жорж 23, Р.Хибберт 14, Д.Уэст 12, Л.Скола 11 оноогоор багтаа тус болжээ. Харин зочин багаас Г.Бэйл 16, Ж.Уолл 15, Т.Ариза 12 оноо авсан бол бусад тоглогчид нь 10-аас дээш оноо авч чадсангүй ялагдал хүлээлээ.

М.Золбаатар

Сэтгүүлч М.Золбаатар

E-mail: mongolcom.mn@gmail.com
Утас: 76110303, 76110505

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.