Өнөөдөр Сураггүй алга болсон хүүхдүүдийн Олон улсын өдөр тохиож байна

Twitter Print
2021 оны 05-р сар 25-нд 12:45 цагт
Мэдээний зураг,

Сураггүй алга болсон хүүхдүүдийн олон улсын өдөр жил бүрийн 5-р сарын 25-ны өдөр тохиодог билээ. Уг өдрийг анх АНУ-д тэмдэглэж ирсэн ба 1979 оны энэ өдөр АНУ-д сургуулиасаа гэр лүүгээ харих замдаа 6 настай Итан Патц нэртэй хүү сураггүй алга болжээ.

1983 онд Итан Патцийг сураггүй алга болоод 4 жил өнгөрсний дараа АНУ-ын Ерөнхийлөгч Рональд Рейган 5-р сарын 25-ны өдрийг Сураггүй алга болсон хүүхдүүдийн үндэсний өдөр болгон тэмдэглэх шийдвэр гаргажээ.

1984 онд АНУ-д Сураггүй алга болсон болон мөлжлөгт өртсөн хүүхдүүдийг эрэн хайх үндэсний төв (NCMEC) байгуулагджээ. АНУ-ын уг санаачилгыг Европын улс орнууд дэмжсэн ба 1998 онд Сураггүй алга болсон болон мөлжлөгт өртсөн хүүхдүүдийг эрэн хайх олон улсын төв байгуулагдаж, 1999 онд нээлтээ хийжээ.

1998 онд Сураггүй алга болсон болон мөлжлөгт өртсөн хүүхдүүдийг эрэн хайх олон улсын төвөөс дэлхий даяар сураггүй алга болсон бүх хүүхдүүдийн гэрэл зураг, хувийн мэдээлэл бүхий олон хэл дээрх мэдээллийн санг (GMCN) бий болгожээ. Сураггүй алга болсон хүүхдүүдийн олон улсын өдрийг тэмдэглэснээр хүүхдийн хулгай, хүүхдүүдийн амьдралын хүнд нөхцөл байдал, хүүхдүүд хууль бус хөдөлмөрийн мөлжлөгт өртөж буй асуудлуудад олон нийтийн анхаарлыг хандуулах зорилготой юм.

Сураггүй алга болсон хүүхдүүдийн олон улсын өдрийн бэлгэ тэмдэг нь хонин зангуу цэцэг бөгөөд англи хэлэнд уг цэцгийг forget-me-not гэж нэрлэдэг нь "намайг битгий мартаарай" гэсэн утгатай аж.

Судалгаагаар Австралид жил болгон 25 мянган хүүхэд, Их Британид 80 мянга гаруй хүүхэд, ОХУ-д 40 орчим мянган хүүхэд сураггүй алга болдог байна. 2019 онд л гэхэд Канадад 40 мянга гаруй хүүхэд, АНУ-д 420 мянга гаруй хүүхэд алга болжээ.

Эх сурвалж: https://ria.ru/20210525/deti

Орчуулсан: Содномцэрэнгийн Энхзаяа

mongolcom.mn

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.