Цав цагааны тухай

Twitter Print
2020 оны 05-р сар 02-нд 16:57 цагт
Мэдээний зураг,

Хэвлэл мэдээллийн эрх чөлөө нэг үеэ бодоход харьцангуй эрх зүйн дархлаатай болсон манайх. Хүн гүтгэсэн нь тогтоогдоогүй байхад эрх биш шууд ачаад аваад явдаггүй болсон.

Харин хэвлэл мэдээллийн ажилтан сэтгүүлчдийн ёс зүйн асуудал бүрхэг байдаг, энэ талаар холбогдох газар нь ажиллаж байдаг биз дээ бодвол. IFJ 1954 онд баталсан “Status of Journalists and Journalism ethics IFJ principles” –ээс харвал сэтгүүлчдийн ёс зүйн талаар нарийвчлан зааж өгсөн байх ба тэр дотор нийгмийн нийтлэг ёс зүй, хувь хүний ухамсар дээр тогтож ажил хэргээ явуулах нь дэлхийн ямар ч улс орнуудын хэвлэл мэдээллийн ажилтнуудын ёс зүйн хэв маяг бололтой юм. Дээрх баримт бичиг дээр тулгуурлаж улс орнууд өөрсдийн ёс зүйн актаа боловсруулдаг бололтой, бодвол манайд ч бий биз.
Өнөөдөр ХӨСҮТ-ийн Нямхүү докторын тамирыг нь тасартал ноцож байгаа “сэтгүүлч” ийг хараад өөрийн эрхгүй ой гутаж байна. Загнах, зандрах, мэргэжлийн үнэ цэнийг унатал нь хүнийг нервтүүлэхийг харлаа. Ганц Нямхүү гуай ч бас биш байх бүх хүмүүстэй иймэрхүү харьцдаг биз. Вирүс, шинэ хэлбэрийн цар тахал, манай өнөөгийн нөхцөл байдлын талаар Нямхүү гуайтай эн зэрэгцэхгүй ч, ядаж асуудлаа сайн судлаагүй мөртлөө хэрэгтэн шиг харьцаж, тэнэг асуултаа дахин давтан асууж эгээ л “хүн ахтай дээл захтай “ гэсэн үгийг хэн, хаана, хэдэн онд хэлсэн юм, эх сурвалжаа хэлээд орхи чи гэх нь холгүй мугуйдлан аяглаж байгаа нь төрхөө сайн харуулж байгаа юм.

Нямхүү гуай сэтгүүлчдэд зориулсан “вирүсийн им тамгаа” хэд ярих ёстой вэ, нэг хэлсэн зүйлийг лавшруулаад уншдаг, гадаад хэлнээс чадахгүй бол ядаж дотоод “хэлээрээ”. Эднийг, ийм “сэтгүүлчдийг” өөгшүүлдэг ганц л юм бий. Ёс зүйн асуудлыг ярих юм биш, яасан ч яах вэ гэсэн хэн нэгэнд ямар нэгэн микрофон ч юм уу бариулаад хэн нэгэн улс төрч зуудаг нохой шиг нийгэм рүү, эсрэг тал руугаа тавиад араас нь элдэвлээд суудаг. Ялангуяа сонгуулиас ялимгүй өмнөхөн. Нөгөөх нь явж өгнө.
Тэртээ тэргүй манай нийгэмд луйвар дээрэмд орооцолдсон хүмүүс сүргээрээ бэлчиж явдаг. Хөөе наадахаа бариад аваарай, тэгээрэй, гүйгээрэй... наад муу чинь миний хэрэг дээр хөдлөхгүй байгаа юм... больж муу хогийг. Тэр дундаас нь унацтай.

Хамгийн гол нь хүнийг барьц алдуулах аргыг эрэлхийлнэ. Тэр нь үнэн юм шиг, үнэн болж хүмүүст очихоор, үнэн байж магадгүй тийм зүйл байх ёстой. Цохиж асууна, яг л мөрдөн байцаагч шиг, хэрэгтэнтэй харьцаж байгаа юм шиг асуух ёстой. Нөгөөдүүл нь барьц алдана. Голдуу чинээлэг, нийтийн баялгаас хазаар гүйлгэсэн нөхөд байна, за больё, юмыг нь өгөөд яршиг салья. Нэг иймэрхүү байдалтай.

Нийгэм өөрөө худал үнэн нь мэдэгдэхгүй мэдээлэлд живсэн, аль нь үнэн юм бүү мэд. Энэ дунд сүрэг хонин дотроос дуртайгаа барьж идээд цатгалан явдаг МЭРГЭЖЛИЙНХЭН. Сүүлдээ намайг хэн хэлж нохойг хэн саах вэ маягтай, хүн зандарч, үг хэлээрээ зодож, амьдарцгааж байна. Өнөөдөр тийм сэтгүүл зүй гэгчид Нямхүү гуай өртлөө. Ингээд байж байг уу. Зарим нь ч аргаа бараад шүүхэд өгөх нь бий. Тэр үед нийтээрээ хамгаалцгаана. Харин ийм үед яах бол. Нөгөө пресс каунсил байна уу. Ингэхэд хэн нь шударга ёсыг хамгаалаад байна даа, чөтгөр л мэдэх байх. (Үнэн зөвийн төлөө зүтгэж яваа маш олон сэтгүүлчдийг би хэлээгүй юм шүү)

Надад нэг горимын санал байна. Улс төртэй хамгийн ойр ажилладаг салбар болох сэтгүүлчдийн хөрөнгө орлогын мэдүүлгийг АТГ авч нийтэд мэдээлж байя. Гэхдээ бүх сэтгүүлчдийг биш иргэдийн санал асуулгаар тодорсон сэтгүүлчдийн мэдүүлгийг авч байя. Пресс каунсил байдаг бол ажиллах хэрэгтэй. Тийм хууль эрхийн орчин бүрдүүлье.

О.Жаргалсайхан 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.9.40.53) 2020-05-06 09:03
      • 0
      • 0

      Сүрэг сонин дундаас дуртайгаа барьж иддэг мэргэжлийнхэн гэж яг онож хэллээ. Хүнтэй зүгээр ярьж чадахаа больчихсон, загнасан сүрдүүлсэн мушгисан буруутгасан шантаажилсан өнгө аястайгаар яриад бүүүүр сурчихсан.

      Хариулах

    • туул

      (66.181.184.69) 2020-05-03 16:51
      • 0
      • 1

      өнөрөө ийм байдлаасаа болоод цагдаагийн чинбат даргад түлхүүлээ байлгүй, түлхэх цаашаа, хүний нервийг барж тэвчээр алдуулахаар зовоодог авгай юм

      Хариулах

    • Зочин

      (192.82.68.72) 2020-05-03 10:09
      • 0
      • 0

      Мик барихаараа хүн дарамталдаг

      Хариулах

    • Taksinii

      (107.72.164.91) 2020-05-03 09:14
      • 0
      • 0

      Tsagdaagiinhan chin harin gemgyi hyniig helmegdyyleed byr Erh choloond n haldaj zoddog sh dee 7sariin negend byr buudaad alchihsan biz dee Manai Naiziig taksinii jolooch ilyy mongo avah geheer n margasan chin avaachaad paartai holboj baigaad nevshirtel n zodsonoos bolood tolgoi n sanjignadag bolson shyy dee Hohirson hymyys ih l um bichih bh daa

      Хариулах

    • Зочин

      (107.72.164.91) 2020-05-03 09:08
      • 0
      • 0

      Ingej asuuh n zov sh dee Herev setgyylch Ingej asuugaagyi bol medehgyi l bailaa sh dee

      Хариулах

    • үзэн ядагч

      (66.181.189.164) 2020-05-02 19:23
      • 0
      • 0

      Энэ Өнөрөөд хэн ч яриа бгаагүй бсан нь дээр. цагдаагийн байцаагч ч одоо ийм бүдүүлэг бхаа больсон

      Хариулах