"Эрдэнэшарга" караокед гал гарч, нэг хүн нас барлаа

Twitter Print
2019 оны 10-р сар 12-нд 12:10 цагт
Мэдээний зураг,

Өнгөрөгч шөнө буюу аравдугаар сарын 11-ний  шөнийн 23.00 цагийн орчимд Сүхбаатар аймгийн  гуравдугаар багийн нутаг  дэвсгэрт байрлах “Эрдэнэшарга” караокед гал гарч 20 гаруй хүн их бага хэмжээгээр түлэгдсэн болон угаартсан байдалтайгаар эмнэлэгт хүргэгджээ.

Галын улмаас нэг хүн нас барж, 7 хүний биеийн байдал маш хүнд байгаа гэсэн мэдээлэл байна. Тиймээс тэдгээр хүмүүсийг нисдэг тэргээр Улаанбаатар хотруу авчирч эмчлэхээр болжээ. Хэргийн газар аймгийн Цагдаагийн газар болон Онцгой байдлыг албан хаагчид ажиллаж байна. Одоогоор гал гарсан шалтгаан нөхцлийг тогтоохоор ажиллаж байгаа бөгөөд урьдчилсан байдлаар  цахилгааны гэмтлээс гарсан байж болзошгүй байгаа ажээ.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.