Арбитрын шүүхийн шийдвэр Камила Валиевагийн талд гарч, тэрбээр тэмцээнээ цааш үргэлжлүүлэхээр боллоо

Twitter Print
2022 оны 02-р сар 14-нд 14:23 цагт
Мэдээний зураг,

Спортын Арбитрын шүүх ОХУ-ын Допингийн эсрэг агентлагийн шийдвэрийг дэмжин, ОХУ-ын уран гулгалтын тамирчин Камила Валиеваг Бээжингийн Өвлийн Олимпын наадмын тэмцээн уралдаанд цааш үргэлжлүүлэн оролцуулахыг зөвшөөрчээ.

15 настай Камила Валиевагийн өнгөрсөн 12-р сард өгсөн допингийн шинжилгээнээс хориотой бодис илэрсэн билээ. Спортын Арбитрын шүүх 15 настай Камила Валиева нь Дэлхийн Допингийн эсрэг агентлагийн дүрмээр "хамгаалагдсан хүн" гэх тодорхойлолтонд багтаж байгааг онцолж, ийнхүү шийдвэр гаргаснаа мэдэгджээ.

CAS (Court of Arbitration for Sport) Director general Matthieu Reeb leaves after the hearing of the investigation of 15-year-old Russian figure skater Kamila Valieva, who tested positive for a banned drug at the Beijing Winter Olympics, in Beijing, China, February 14, 2022. REUTERS/Tyrone Siu

Нөгөөтэйгүүр уран гулгалтын багийн төрөлд түрүүлсэн багуудад одоог хүртэл медалийг нь гардуулж өгөөгүй байгаа ба медаль гардуулах ёслол хэзээ болох нь ч тодорхойгүй байна.

Уран гулгалтын багийн төрөлд ОХУ баг түрүүлж, АНУ-ын баг 2-р байранд, Японы баг 3-р байранд тус тус шалгарсан ч Камила Валиевагийн допингийн шинжилгээний асуудлаас үүдэн багуудад медалийг нь гардуулж өгөөгүй юм.

Камила Валиевагийн оролцох уран гулгалтын эмэгтэйчүүдийн ганцаарчилсан төрлийн тэмцээн энэ мягмар гарагаас эхлэх юм.

Эх сурвалж: Reuters

Содномцэрэнгийн Энхзаяа 

mongolcom.mn 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.