Амьдралын мөч бүхэн чухал

Twitter Print
2022 оны 06-р сар 20-нд 10:29 цагт
Мэдээний зураг,

АМЬДРАЛЫН МӨЧ БҮХЭН ЧУХАЛ

Аливаа зүйлийг ямар нэгэн чухал хэрэгцээ гарахаар нь хэрэглэнэ гэж битгий хадгалаарай.

Өнөө цагт бид улам том байшинтай хэрнээ жижиг гэр бүлтэй,

Илүү тав тухтай боловч амрах цаг зав багатай,

Олон эрдмийн зэрэг дэв цолтой боловч наад захын мэдлэггүй,

Өргөн мэдлэгтэй болов ч бага бодолтой,

Олон экспертүүдтэй боловч олон асуудлуудтай,

Илүү анагаах ухаанжиж байгаа болов ч илүү их өвчин зовлонтой болжээ.

Бид аливаад хөнгөн хуумгай хандаж, бага инээж, хурдтай давхиж, түргэн уурлаж, оройтон унтаж, өглөө босохдоо ядарсан сэрж, бага уншиж, гар утас их үзэж, бурханд цөөн залбирах юм.

Өөрийгөө хүрээлэх эд хогшилоо нэмэгдүүлэх хэрнээ үнэт зүйлсээ бууруулж, их ярьж, бага хайрлаж, худал хэлэх нь олширжээ.

Яаж амьдрахыг судалдаг хэрнээ амьдралыг судалдаггүй, он жилүүдээ амьдралд зориулах хэрнээ амьдралаа он жилүүдэд зориулдаггүй,

Их зарж, бага бүтээж, худалдан авах зүйл олширсон ч түүнээсээ авах ханамж багасжээ.

Саран дээр хүртэл очиж чадаж байгаа хэрнээ эсрэг гудамжиндаа байх хөршийнхөөрөө очиж чаддаггүй.

Гадаад ертөнцийг эзэмшиж чадсан хэрнээ дотоод ертөнцөө эзэмшиж чаддаггүй,

Атомыг задалж чадсан хэрнээ, мухар заншлаа задалж чадаагүй л байна.

Их бичдэг хэрнээ бага судалдаг, их төлөвлөх хэрнээ түүнийгээ биелүүлдэггүй,

Яарч адгаж чаддаг хэрнээ хүлээж чаддаггүй.

Орлого нэмэгдэхийн хэрээр ёс суртахууны дутагдалд орж, мэдээллийг хадгалах, олон хувь тараах гэж өчнөөн компьютер үйлдвэрлэх тусам хүн хоорондын харилцаа багасаж, чанарт бус тоо хэмжээнд анхаарах нь ихэсжээ.

Түргэн хоол нэмэгдсэн ч шингэлт нь удааширч бие өссөн ч ухаан богиносч, ашиг орлого зузаарсан ч харилцаа гүехэн болж, олон нэр төрлийн хоолтой ч тэжээл болох нь бага.

Гоёмсог байшинд амьдравч гэр бүлийн амьдрал муудаж хэврэгших болжээ. Чухам ийм учраас, өнөөдөр, би танд:

"Ямар нэгэн чухал хэрэгцээ гарахаар нь хэрэглэнэ гэж битгий хадгалаарай" гэж захья. Учир нь таны амьдралын өдөр бүхэн чинь чухал.

Мэдлэгийг эрж хай, их унш, өөрийнхөө өөдөөс харж суугаад хэрэгцээндээ санаа зовдог байдлаасаа сал.

Гэр бүл, найз нөхөдтэйгээ хамт байх цагийг өөрөөсөө бүү харамла.

Дуртай хоолоо ид.

Очихыг хүссэн газраа оч.

Амьдрал гэдэг бол аз жаргалтай мөчүүдийн хэлхээс болохоос амьд явах гэсэн тэмцэл биш юм.

Болор хундага хагалчих вий гэж эмээлгүй хэрэглэ. Үнэтэй үнэртэй усаа дуусчих вий гэж айлгүй цац.

Хэрэглэмээр санагдсан үедээ хүссэн зүйлээ хэрэглэж бай.

Үгсийн сангаасаа "Аль нэг өдөр", "Заримдаа" гэсэн үгсийг хасаж хая.

Найз нөхөд, гэр бүлийхэндээ хичнээн хайртайгаа хэл.

Амьдралд инээд хөөр, баяр баясгалан нэмдэг зүйлсээ хойшлуулахаа боль.

Өдөр бүр, цаг бүр, мөч бүр чухал. Магадгүй өнөөдөр таны сүүлчийн өдөр байхыг хэн ч мэдэхгүй.

Далай Лам

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.