М.Тулгат: Шахмал түлш амь насанд эрсдэлтэй гэсэн дүгнэлт гарсан байна

Twitter Print
2019 оны 10-р сар 08-нд 11:39 цагт
Мэдээний зураг,

НИТХ дахь АН-ын бүлгээс Нийслэлийн Засаг дарга С.Амарсайханыг огцруулах гарын үсэг бүрдсэн эсэх талаар болон сайжруулсан түлштэй холбоотой асуудлаар нийтийн санал асуулга явуулахыг шаардах талаар мэдээлэл хийж байна. 

НИТХ-ын төлөөлөгч М.Тулгат "Сүүлийн өдрүүдэд сайжруулсан түлштэй холбоотой харамсалтай хэргүүд гарсан. Үүнд бид маш их санаа зовниж байна. НИТХ-ын төлөөлөгчид сар бүр агаарын бохирдолтой тэмцэх ажлын явцтай танилцаж ирсэн. Гэвч зарим мэдээлэл дутуу ирсэн байна. Тухайлбал, 2019 оны хоёрдугаар сарын 15-нд Нийслэлийн Агаарын бохирдлыг бууруулах газраас сайжруулсан шахмал түлш хүний бие, амь насанд эрсдэлтэй гэсэн дүгнэлт гарсан байсныг бид олж авсан. Олон нийтийн мэдээллийн хэрэгслээр зөрүүтэй мэдээллүүд их явж байна. Иймд бид үнэн бодит мэдээллийг олж тогтоох ёстой. Тийм учраас энэ асуудлаар нийтийн сонсгол явуулахыг хүссэн албан бичгийг НИТХ-ын дарга Р.Дагвад өргөн барьж байна" гэв.

НИТХ-ын төлөөлөгч С.Мөнхчулуун "М.Тулгат төлөөлөгчийн танилцуулсан асуудал аль нэг намын эсвэл улс төрийн акц биш юм аа. Өнөөдөр угаарын асуудал аюулын харанга дэлдлээ. Иймд дээрх асуудлуудыг шийдвэрлэх арга замыг илэрхийлж, нийтийн сонсголыг зохион байгуулахаар боллоо. 

Агаарын бохирдлыг бууруулах газраас 2019 оны хоёрдугаар сарын 15-нд сайжруулсан түлшийг туршиж үзсэн юм билээ. Туршилтын явцад коксжих нүүрс учир таталт муутай зууханд галлавал асалт явагдахгүйгээр шимлэх процесс явагдана. Үүний уршгаар хүний биед хортой угаарын хий явагдаж байна гэсэн мэдээлэл мэдээллийн хэрэгслээр гарч байсан. Өөрөөр хэлбэл, хариуцсан мэргэжилтэн нь цаашдаа энэ нүүрсийг хэрэглэвэл хүний амь нас эрсдэх аюултай хэмээн ярьж байна. Иймд яаралтай арга хэмжээ авч ажиллах хэрэгтэй.

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (202.55.188.46) 2019-10-10 14:28
      • 0
      • 0

      Сул талыг нь хүлээж суусан ИХТ амилаж байна гэж харж байна

      Хариулах