Мастерууд эхний өдөр дөрвөн хүрэл медаль хүртэв

Twitter Print
2019 оны 10-р сар 12-нд 15:55 цагт
Мэдээний зураг,

Сонгомол, чөлөөт бөхийн 2019 оны Мастеруудын ДАШТ лхагва гаригт Гүржийн нийслэл Тбилисийн “Tbilisi Sports Palace”-д эхэлсэн билээ.

Чөлөөт бөхийн эхний өдөр буюу өнөөдөр “В” (41-45 нас), “Е” (56-60 нас) ангиллын жингүүдийн барилдаан болж, манай улсаас зургаан бөх зодоглосноос дөрвөн хүрэл медаль хүртэв. “Е” ангиллын 88 кг-ын жинд ОУХМ Буяндэлгэрийн Бат, “В” ангиллын 62 кг-д спортын мастер Жанчивын Хурц, 78 кг-д спортын мастер Байлдагчийн Баянсан, 88 кг-д ОУХМ Доржготовын Ганбат нар хүрэл медаль хүртлээ.

Эднээс “Тулгат” клубийн тамирчин ОУХМ Д.Ганбат мастеруудын ДАШТ-ээс дөрөв (“Белград-2014”, “Валбжих-2016”, “Скопье-2018”-д хүрэл медаль хүртсэн) дэх хүрэл медалиа хүртсэн бол ОУХМ Б.Бат өнгөрсөн жил Македонд хүртсэн хүрэл медалиа Тбилисид ихэрлүүлэв. Маргааш “С”, “D” ангиллын жингүүдийн урьдчилсан болон шигшээ барилдаан болно.

Mongolian Wrestling Federation-н зураг.

Эх сурвалж: Монголын чөлөөт бөхийн холбоо

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.