КОВИД-19 өвчний дараагаар бие махбодь бүрэн илаарших хүртэл хэдэн долоо хоногоос хэдэн сар болно

Twitter Print
2020 оны 05-р сар 06-нд 13:19 цагт
Мэдээний зураг,

Дэлхий даяар коронавирусын халдвар авсан 1.1 сая хүн эдгэрээд байна. Тэгвэл коронавирусын халдвар буюу КОВИД-19 өвчний дараагаар хүний бие махбодь бүрэн илаарших хугацаа хүн бүрт өөр өөр байдаг байна.

Коронавирусын халдвар авсан дийлэнх хүмүүст өвчний шинж тэмдэг хөнгөнөөр илэрч байгаа ба эдгээр хүмүүс ойролцоогоор долоо хоногийн дотор эдгэж байгаа аж. Халуун буурч, биеийн хэм хэвийн болох хүртэл уг вирус биед байсаар байдаг байна. Харин хуурай ханиалгах шинж тэмдэг арилтал хэдэн долоо хоног болдог учраас мэргэжилтнүүд үүнд сэтгэл зовохгүй байхыг анхааруулж байна. Коронавирусын халдвар авч, эдгэрсэн хүмүүс нэг хэсэгтээ амархан ядрангуй байдаг.

Хувцсаа өмсөх, цай хийж уух зэрэг өдөр тутам хийдэг зүйлс хүртэл хэцүү бөгөөд ядаргаатай санагдах үе ч байх аж. Тийм учраас коронавирусын халдвар авч эдгэрсэн хүмүүс аль болох их амарч, эрүүл зөв зохистой хооллож, ус сайн уух хэрэгтэй гэнэ. Коронавирусын халдвараар хүнд өвдөж, эмнэлэгт хэвтэн, хүчилтөрөгчийн эмчилгээ хийлгэсэн хүмүүст эмнэлгээс гарсаны дараагаар амархан ядрах, амьсгаадах шинж тэмдэг илрэх нь элбэг байгаа аж. Учир нь коронавирусын улмаас уушгинд үүссэн үрэвсэл болон сорвижилт бүрэн эдгэх хүртэл хэдэн долоо хоногийн хугацаа шаардлагатай аж.

Коронавирусын халдвараас ангижирсан иргэдийн бие махбодь бүрэн илаарших хүртэл 2-8 долоо хоног шаардлагатай гэнэ. Коронавирусын халдвар авсан хүмүүсийн сэтгэл санааг дэмжих нь маш чухал юм. Коронавирусын халдвар авсан хүмүүс ямар ч эргэлт авахгүйгээр эмнэлэгт тусгаарлагдсан нь сэтгэл санаанд нь хүндээр тусч байгаа аж. Тийм ч учраас эмнэлгээс гарсан хүмүүст эргээд хэвийн амьдралдаа орох, бусадтай нийгмийн харилцаа тогтооход нь туслах нь маш чухал ач холбогдолтой юм. Зүгээр л хамтдаа сонирхолтой зүйлс хийж, тоглоом тоглож, ярилцах нь өвчтнүүдийн сэтгэл санааг тайвшруулж өгдөг байна. Сэтгэл санаа тогтворгүй байгаа тохиолдолд иргэд өөрийн эмчлэгч эмч, сэтгэл зүйн зөвлөгөө өгдөг хувь хүн, байгууллагуудад хандаж болох гэнэ.

Coronavirus: How are patients treated? - BBC News

Коронавирусын халдвараар хүндээр өвдөж, эрчим эмчилгээний тасагт хэвтэж, уушги орлуулах аппаратанд орсон хүмүүсийн хувьд бие махбодь бүрэн илаарших хүртэл 12-18 сар шаардлагатай аж. Олон хоногийн турш орноос босоогүй эдгээр өвчтөнүүдийн хувьд гэртээ гарсаны дараагаар амархан ядрах, амьсгалахад хүндрэлтэй байх, сэтгэл санаагаар унах шинж тэмдэг илрэх нь элбэг байдаг байна. Түүнчлэн эдгээр өвчтнүүд булчингийн массаа ихээр алдсан байдаг учраас хөдөлгөөн засал, нөхөн сэргээх эмчилгээнд хамрагдаж, тогтмол дасгал хөдөлгөөн хийх нь чухал аж. Эрчим эмчилгээний тасагт хэвтээд гарсан ихэнх өвчтнүүдэд будилах, анхаарлаа төвлөрүүлж чадахгүй байх шинж тэмдэг илэрдэг байна. Зарим нь өнгөрсөн зүйлээ гэнэт санах, зарим хүнд гэмтлийн дараах стресст эмгэг хүртэл үүсдэг байна.

People who recovered from coronavirus face risk of infection again

Эдгээр өвчтнүүдэд сэтгэл санаа тогтворжих хүртэл 6 долоо хоногоос 3 сарын хугацаа шаардлагатай байдаг ба үүнээс ч урт хугацаа шаардлагатай тохиолдол ч байдаг аж. Энэ үед гэр бүл, ойр дотныхны сэтгэл санааны дэмжлэг хамгийн чухал гэдгийг мэргэжилтнүүд онцолж байна. Коронавирусын халдвараас сэргийлэх, халдвар авсан тохиолдолд хөнгөнөөр өвдөж, хурдан хугацаанд эдгэрэх явдалд бидний эрүүл мэндийн байдал чухал нөлөөтэй ба тамхи, архи согтууруулах ундаанаас татгалзаж, эрүүл зөв хооллож, тогтмол дасгал хөдөлгөөн хийж, хэвийн жингээ барьснаар коронавирусын халдвараас урьдчилан сэргийлж чадах аж.

Эх сурвалж: BBC

Содномцэрэнгийн Энхзаяа 

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.