Анхны Ерөнхий сайдын өргөө амьсгал хурааж байна

Twitter Print
2019 оны 10-р сар 07-нд 20:32 цагт
Мэдээний зураг,
Мандаж сэргэсэн Монгол төрийн анхны Ерөнхий сайд, Сайн ноён хан Төгс-Очирын Намнансүрэнгийн насан эцэслэх хүртлээ аж төрж асан өргөө амьсгал хурааж байна. 
Орон байшин бүхэн эзэнтэй байдаг! Хана бүхэн нь цаг хугацааны үл үзэгдэх бичээсийг хадгалж, ой дурсамждаа аж төрж асан эздийнхээ амьдралын агшнуудыг агуулдаг ажгу. Хуучин байшин бүхэн ой дурсамжтай. Түүнийг газрын хөрснөөс арчихад ой дурсамж нь хамтдаа орчлонгийн харөнхуйд уусан одно гэхээр дэндүү харамсам!
Энд Монгол төрийн шинэ засгийн анхны тэргүүн жавхлант ноён Т.Намнансүрэн улсынхаа хувь заяа, хэтийн ирээдүйд зовниж суусан. Энэ байшингийн халцархай хана, хагархай цонх бүхэн Халхын дөрвөн ханы нэг, Сайн ноён ханы зовлон зүдүүр, зовнил гунигийн гэрч!
Ай хөөрхий, одоо энэ байшингийн алга дарам газарт нь шунасан хэний гараар орж энэ түүхэн барилгын эцсийн шороо нь пурхийх юм бол? Түүх соёлын дурсгалаа егүүтгэхээ хэзээ зогсох юм бэ? Сэрж сэхээрэх цаг хэзээ юм бол???
Зохиолч Б.Шүүдэрцэцэг
 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.