НҮБ-ын Аюулгүй байдлын зөвлөл Израиль-Палестины асуудлаар хуралдахыг АНУ эсэргүүцжээ

Twitter Print
2021 оны 05-р сар 14-нд 15:24 цагт
Мэдээний зураг,

НҮБ-ын Аюулгүй байдлын зөвлөл ирэх ням гарагт цугларч, Израиль-Палестины асуудлыг хэлэлцэхээр болсон талаар АНУ-аас НҮБ-д суугаа байнгын төлөөлөгч Линда Томас-Гринфилд мэдээлсэн.

Харамсалтай нь Израиль, Палестины хооронд үүсээд буй хурцадмал байдлыг намжаах асуудлыг авч хэлэлцэхээр НҮБ-ын Аюулгүй байдлын зөвлөлийн яаралтай хуралдаан хийх санаачлагыг Хятад, Норвеги, Тунис улсууд гаргасан боловч АНУ эсэргүүцжээ. Иймд Аюулгүй байдлын зөвлөлийн гишүүд зөвшилцөлд хүрч чадахгүй тул тус асуудлаар НҮБ-ын Аюулгүй байдлын зөвлөл хуралдахгүй болжээ.

Израиль-Газын зурвасын хил дээрх нөхцөл байдал сүүлийн өдрүүдэд түгшүүртэй хэвээр байна. Газын зурвасын пуужингийн довтолгоо тасрахгүй байгаа бол Израилийн армийн хариу цохилтууд ч зогсохгүй байна.

Баасан гарагийн шөнө Израилийн Агаарын зэвсэгт хүчин, хуурай газрын цэргийн хүчин Газын зурваст цэргийн томоохон ажиллагаа явуулсан ба ажиллагаанд байлдааны онгоцнууд, нисдэг тэргүүд, танкууд болон цэргийн олон тооны машин техник оролцжээ.

Хариуд нь Палестины ХАМАС хөдөлгөөний цэргүүд Израилийн өмнөд хэсэг рүү пуужингийн цохилт үзүүлжээ.

Даваа гарагаас хойш хоёр улсын зэвсэгт мөргөлдөөний улмаас Израильд 7, Палестинд 109 хүний амь үрэгдэж, 600 орчим хүн шархаджээ. Амиа алдсан хүмүүсийн дунд 27 хүүхэд, 11 эмэгтэй байжээ.

Эх сурвалж: https://www.interfax.ru/world/765914

Орчуулсан: Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.