Угаартсан иргэдийн хэрэглэсэн шахмал түлш стандартын шаардлага хангасан гэж гарчээ

Twitter Print
2019 оны 10-р сар 07-нд 12:36 цагт
Мэдээний зураг,

Угаарын хийнд хордсон байж болзошгүй 30 гаруй иргэн эрүүл мэндийн байгууллагад хандсанаас дөрвөн хүн нас барсан хэрэг гарсан. 

Үүнтэй холбоотойгоор Нийслэлийн онцгой комисс яаралтай хуралдаж, нийслэлийн Засаг дарга С.Амарсайхан сайжруулсан түлш хэрэглэсний улмаас угаартаж, амь насаа алдсан байж болзошгүй асуудалтай холбогдуулан тухайн хэргийн шалтгаан нөхцлийг яаралтай шалгаж тогтоох, тухайн иргэдийн хэрэглэж байсан сайжруулсан түлшний дээжээс авч мэргэжлийн лабораторид хандан өмнө үйлдвэрлэсэн, одоо үйлдвэрлэж байгаа түлштэй харьцуулсан нарийвчилсан дүн шинжилгээ хийлгэх зэрэг үүрэг даалгавар өгсөн юм. 

Тэгвэл эдгээр шинжилгээний хариу албан ёсоор гарсан бөгөөд стандартын шаардлага хангасан гэж гарчээ. Нийслэлийн мэргэжлийн хяналтын газрын дэд дарга С.Даваасүрэн "Геологийн төв лабораторид 9 дээж өгсөн. 2019 онд батлагдсан стандарттай харьцуулахад чийглэг нь стандарт хэмжээг хангасан, үнслэг нь 23-24 буюу стандарт,  хүхэр нь 0.95-1.04 хувиар илүү гарсан. Илчлэг нь 4200 буюу түүнээс бага байх ёстой бол 6400 гарсан.

Ашигт малтмал газрын тосны газрын харьяа лабораторид Тавантолгой түлшийн шахмад түлшийг шинжилсэн, стандарт хэмжээнд гарсан. Угаартаж эмнэлэгт хандсан хүмүүсийн гэртээ хэрэглэж байсан түлш стандартын шаардлага хангасан байна. Барьцалдуулагч бодис нь химийн найрлагатай байна гэж хүмүүс хардаж байсан. Гэтэл Гаалийн төв лабораторийн шинжилгээгээр барьцалдуулагч нь химийн бодис биш, цардуул байна. Цардуул нь химийн найрлагагүй гэсэн дүгнэлт ирсэн. Одоо лабораторийн шинжилгээний хариунд үндэслэн мэргэжлийн хяналтын улсын байцаагчийн дүгнэлт гарна" гэв.  

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.