Христийн папст ба буддизмийн далай лам хоёрын дунд буй Монгол

Twitter Print
2013 оны 10-р сар 30-нд 08:57 цагт
Мэдээний зураг,

Герман папст Бенэдиктийг залгамжлаж буй шинэ папст бол Аргентиний иргэн. Тэр папстаар сонгогдсоны дараа Францискус гэсэн нэрийг сонгожээ. Францискус бол даруухан хамгийн энгийн Христийн урсгал. Аргентинаас гаралтай энэ шинэ папстыг Христийн шашинд орчин үеийг авчирч маш том шинэчлэлт хийх чадвартай хүн гэж байна. Тэр анхны албан ёсны илтгэл дээрээ нилээд хатуухан үгнүүд хэллээ гэж хэвлэл мэдээлэлийнхэн шагширах боллоо.

Монголчууд бид Христийн шашин бай эсвэл Буддын шашин ч бай тэдэнтэй ямар холбоотой билээ. Энэ тухай ярилцацгаая. Нилээд олон Монгол хүн Христийн шашинд орсон гэдэг ч тэдний ихэнх сайэнтолог \scientology\ болон муун \moon\ гэх мэт мухар сүсгийн сүмүүдэд элсэн орсоноо мэддэггүй явдал харамсалтай. Олон залуучууд үүнээсээ болж Америк эсвэл Өмнөд Солонгос руу дэмий явж хувийн болоод гэр бүлийнхээ амьдралыг балласан жишээнүүд олон. Зарим охид хөвгүүд эдгээр сүмүүдээс зугатаах гэж амиа хорлосон ч удаа бий. Тэгвэл Христийн шашин бол шал ондоо. Яагаад гэвэл хэнийг ч дуудаж чангаахгүй маш чөлөөт.

Христийн шашны хувьд бол 7 эрдэмд \virtue\ суралцах ёстой ба бас түүний эсрэг 7 нүглийг жигших тухай заажээ. 7 эрдэмд: хүлцэнгүй, өглөгч, сексээс татгалзах, тэвчээртэй, тохируулдаг, хүмүүнлэг, хичээл зүтгэлтэй байх тооцогддог ажээ. Харин 7 нүгэл гэвэл онгирох, шунах, хилэгнэх, ховдог, хордох, залхуурах гэдэг.

Социализмын үед сургуульд сурч байхад багш нар яг л энэ 7 эрдэмийг зааж сургаж бас 7 нүглийг жигшихийг анхааруулж байсан санагдана. Тиймээс тэр үед эрдэм мэдлэг гэж хослуулан ярьдаг байжээ. Мэдлэг гэхээр мэдээж математикийн, физикийн, химийн гэх мэт мэдлэгүүд. Харин эрдэм гэхээр дээрх эрдэмүүд. Мэдээж энэ эрдэмүүд Орос орноор дамжин Монголд иржээ.

Ерөөсөө ерөнхий боловсролын сургуулиудыг Орос ах нар байгуулж өгсөн шүү дээ. Бид л бусдын тусыг мартдаг нүгэлтэй болжээ. Нэгэнт социализмын бид энэ эрдэмүүдэд суралцсан учраас одоогийн хүмүүсийн гайхлыг заримдаа төрүүлдэг. Социализмын ихэнх хүмүүс даруухан улс орныхоо хөгжлийн төлөө ажиллаж хөдөлмөрлөж их л эрдэмтэй бараг л нүгэл хийдэггүй хүмүүс байжээ. Энэ байдал 90 оны ардчилал нэртэй эрдэмгүй залуусын хувьсгалаар устжээ.

Хэдийгээр Буддизм сүүлийн жилүүдэд Монгол оронд хүчтэй газар авч буцаад сэргэж буй ч түүний онолын тухай хэн ч ярихгүй явдал харамсалтай. Буддизмын далай ламыг сонгохдоо шилдэгүүдээс сонгохгүй харин хаа нэг газар төрсөн хүүхдийг сонгодог. Одоогийн далай ламыг Түвд орны нэгэн тосгонооос очиж сонгон авчиржээ. Тиймээс далай лам бэлэн юм сурсан хүн биш харин хүүхэд наснаасаа иж бүрэн бэлтгэгдсэн хүн.

Буддизмд Христийн шашинтай адил эрдэм ч гэж байдаггүй бас нүгэл ч гэж байдаггүй ажээ. Буддизмын тухай ном уншсан чинь арван цагаан буян ч гэж алга. Иймэрхүү худлаа ойлголт хаанаас Монгол оронд орж ирсэн юм бэ бүү мэд. Буддизмд байхгүй буян нүгэл гэсэн ойлголтуудыг хэрхэн ярьж буйг ажаад байхад Христийн шашинтай холиод буй мэт.

Буддизмд нүгэл буян байхгүй харин дасгал байдаг ажээ. Үүнд 5 дасгалыг өдөр бүр л үргэлжийн дасгаллах сургаальтай гэнэ. Үүнд:
1. Ямар ч ан амьтаныг гэмтээхгүй болон алахгүй байх гэж дасгаллах,
2. Өөртөө өгөгдөөгүй зүйлийг хэзээ ч авахгүй гэж дасгаллах,
3. Мэдрэлийн эрхтэнүүдийнхээ мэдрэмжийг хэт цочоосон зүйлс хийхгүй гэж дасгаллах,
4. хэзээ ч худлаа ярихгүй харин эелдэг ярих гэж дасгаллах,
5. ухаанаа балартуулах ямар ч бодис хэрэглэхгүй болох гэж дасгаллах.

Энэ 5 дасгалыг үргэлж л дасгаллаж буйгаа бясалгал гэж нэрлэдэг. Мэдээж бясалгал насан туршийнх болохоос биш нэг долоо хоног эсвэл нэг сарын асуудал биш ажээ. Буддизмд хүн өөрөө өөрийнхөө л эзэн гэдэг. Харин Христийн шашинд бол Ийисус Христийн үрс ажээ.

Ерөөсөө соён гэгээрэл Монгол оронд явагдах цаг болсон мэт. Тэгэхгүй бол эрдэмийг мэдлэгтэй хольж хутгадаг, социализмыг буруу гэж муучилдаг, шашнуудыг ялгаж салгахгүй хольдог. Шашнуудын хоорондын ялгааг зөв ойлгож мэдэх олон асуудлуудыг ярилцаж заавал шашин гэхгүй зөвхөн иргэн гэдгээрээ нийгмээ хүн ёсны болгох тэр ухамсар дутагдана. Нэг нэгнийгээ хүмүүнлэгээр үнэлж цэгнэх тийм хөдөлгөөн улс орон даяар өрнөх хугацаа болсон мэт.

Социализм болон ардчилал \democratism\ хоёр хоёулаа л утоп шүү дээ. Утоп гэдэг маань хаа ч үгүй гэсэн ойлголт. Энэ дэлхий дээр цэвэр социалист орон хэзээ ч байгаагүй. Үүнтэй адил өнөөдөр цэвэр ардчилсан орон хаа ч үгүй. Зөвхөн улс орнууд нэг бол социалист болох гэж л зорьдог эсвэл ардчилсан болох гэж л зорьдог. Өнгөрсөнд ч өнөөдөр ч зорилгоо биелүүлж чадсан орон ганц ч үгүй. Тийм учраас л утоп гэж нэрлэдэг.

Гэхдээ утоп гэдэг маань бас биелэх бүрэн боломжтой гэсэн ойлголт гэдгийг мартаж болохгүй. Монголчууд бид социализмыг байгуулж чадаагүй. Яагаад гэвэл зогсоочихсон. Өнөөдөр ардчилалыг байгуулж ч чадахгүй. Яагаад гэвэл мухар сүсэг нийт орныг гартаа авсан. Ардчилал боловсролтой газар л хөгжих боломжтой гэж Америкийн философч эмэгтэй номондоо бичжээ.

Эцэст хэлэхэд Монголын нийгмийн хөгжил өнөөдрийг хүртэл ерөнхийдөө социализмаас эхлэлтэй Христийн эрдэмүүдийн үлдэгдэл дээр тулгуурлаж иржээ гэдгийг эндээс харах боломжтой. Харин Буддизм хэдийгээр их тархсан хэдий ч дээрх 5 дасгал Монгол хүний ягштал биелүүлдэг ердийн асуудал болж чадаагүй явдал харамсалтай. Уг нь гэртээ ганцаараа дасгаллахад ямар ч саадгүй боломжийн асуудал байжээ. Заавал бясалгал гэж бусдад мөнгө төлж хаа нэг газар луу явах хэрэггүй л аж.

Буддизмийн 5 дасгал дотор мэдрэлийн мэдрэмжүүдээ хэт цочоохгүй гэсэн дотор хаа л бол чанга дуу чимээ сонсохгүй, хог новш болсон зам гудамж харахгүй, хир буртаг болсон зүйлс үнэрлэхгүй, хэт их чихэртэй нялуун зүйлс амтлахгүй, зөөлөн цэвэрхэн зүйлд бие хүргэх гэх мэт 5 мэдрэлийн эрхтэнүүдийн ая тухыг анхаарч дасгал хийхийг номложээ.

Улаанбаатар хотын орон сууцнуудын гадаа заримдаа өглөө эрт гэнэт автомашины чигнал дуугарах эсвэл дохиоллын систем нь чарлах энүүхэнд. Юун нөгөө Буддизмын сүсэг бишрэл.

Яагаад ч юм бэ нийгмээ харахад бас цаашилбал төр засгаа харахад Бурхангүй Монгол, Шашингүй Монгол, Эрдэмгүй Монгол мэт. Шашин нэрийн дор мухар сүсэг явагдаж нийгмээ баллажээ. Шашин жинхэнэ утгаараа орж ирсэнгүй. Мэдээж хувь хүн мухар сүсэгтэй байж болно. Гэтэл нийгэм тэр чигээрээ мухар сүсэгжиж болохгүй. Ерөөсөө нийгэм тэр чигээрээ нэгэн итгэл үнэмшилтэй байж л оршин тогтох боломжтой.

Америкт мухар сүсэгтэй хүмүүс байж л байгаа гэтэл тэдний нийгэм мухар сүсэгтэй биш шүү дээ. Харвардын их сургууль мухар сүсэггүй харин мэдлэгийн газар. Гэтэл Монголын их дээд сургуулиуд мухар сүсэг зааж байгаа явдал дэндүү харамсалтай. Тэнд бөө ярина, арга билиг ярина, Дорнын гүн ухаан гэж худлаа ярина. Ер нь Дорно ба өрнө гэж газар зүйн байрлал болохоос биш мэдлэгийн ялгаа гэсэн ойлголт биш. Танин мэдэхүй ерөөсөө дорных ч бас өрнийх ч адилхан шүү дээ.

Өнөөдөр энэ бүгдийг ойлгож ухаарч өөрчилж худлаа мухар сүсэг, худлаа арга билиг, худлаа орчин үед нийцэхгүй ёс заншил, хэнд ч хэрэггүй аж амьдрал бусниулсан уламжлалт ёснуудаас салах хугацаа болжээ.

Молор-Эрдэнэ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (123.254.175.202) 2015-11-13 15:58
      • 0
      • 0

      Сайн байна энэ балай сургуулъд юум сураагуй лам бөө нарииг цэвэлэх юмсан

      Хариулах

    • Мэдлэггүй сэтгүүлч вэ?

      (112.72.13.76) 2015-02-28 11:26
      • 0
      • 0

      Молор-Эрдэнэ чи зүгээр зайл царай шигээ юм бичдийн бээ г**ий чинь

      Хариулах

    • Зочин

      (202.179.7.6) 2014-07-31 07:28
      • 0
      • 0

      Хэт туйлширсан байна. Христчин хүн бичсэн бололтой

      Хариулах