Шонхоруудын тулаан тав хоногийн дараа эхэлнэ

Twitter Print
2014 оны 04-р сар 17-нд 09:32 цагт
Мэдээний зураг,
Өнөө жилийн “Аваргуудын лиг”-ийн хагас шигшээд эвлэрэшгүй хоёр өрсөлдөгч хоорондоо таарсан нь тэмцээнийг сонирхолтой болгож байна. Энэ бол Испанийн “Реал Мадрид”, Германы “Бавари Мюнхен” юм. Хамгийн сүүлд 2012 оны улирлын шөвгийн дөрөвт дээрх хоёр гранд учраа таарахад Бундестим торгуулийн цохилтоор Эзэн хааны багийг хожсон. “Аваргуудын лиг”-ийн түүхийг ярихын тулд энэ хоёрын багийн тухай дурдахгүй өнгөрч болохгүй. 58 улирал зохиогдсон Европын клубуудын хамгийн нэр хүндтэй тэмцээнд хоёул нийлээд 14 удаа түрүүлжээ.

Харин 1955 оноос хойш “Бавари”, “Реал” хоорондоо 20 удаа таарахад Германы баг 11 удаа ялалт байгуулж, хоёр тэнцсэн аж. Зургаа хоногийн дараа эхлэх энэ улилын хагас шигшээгийн өмнө Итали мэргэжилтэн К.Анчелотти сэтгүүлч нарт хэлэхдээ “Бавари Мюнхен” бол гайхалтай баг. Бидний хувьд хагас шигшээд тун хүнд сугалаа татлаа. Хэрэв Эзэн хааны баг түрүүлэхийн тулд тэднийг хожих л зам үлдэж байна” гэж сэтгэгдлээ хуваалцжээ.

Шөвгийн дөрөвт үлдсэн нөгөө хос нь Испанийн “Атлетико Мадрид”, Английн “Челси” багууд юм. Энэ жилийн хувьд Мадрид хотын багт илүү боломж байгаа ч туршлага гэдэг ямагт хүнд үед хэрэг болдог. Одоогоос арван жилийн өмнө анх удаа хагас шигшээд шалгарч байсан “Челси” энэ хооронд нэг түрүүлж, нэг үзүүрлэн, тав дахь удаагаа шөвгийн дөрөвт үлдэж байгаа нь энэ билээ.

Мөн хариу тоглолтыг гэртээ хийх нь том давуу талбай учир Английн баг шигшээд үлдэж магадгүй гэж мэргэжилтнүүд таамаглаж байгаа. Тоглолт яаж өрнөхийг ирэх долоо хоногийн мягмар гарагийн шөнө үзэх л үлдэж байна.

Сэтгүүлч М.Золбаатар

E-mail: zoloo_fifa@yahoo.com 
Утас: 76110303, 76110505

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.