Вашингтон ОХУ-аас газрын тос импортлохоо зогсоолоо

Twitter Print
2022 оны 03-р сар 09-нд 10:34 цагт
Мэдээний зураг,

ОХУ Украин руу халдсантай холбоотойгоор АНУ болон Их Британийн Нэгдсэн Вант улс ОХУ-аас газрын тос импортлохоо зогсоож, Европын холбоо ОХУ-ын эрчим хүчний хамаарлаас гарахаар ажиллаж байна.

АНУ-ын Ерөнхийлөгч Жо Байден газрын тосны экспорт нь ОХУ-ын эдийн засгийг тэтгэгч "гол судас" хэмээн тодорхойлжээ. Эрчим хүчний экспорт нь ОХУ-ын орлогын эх үүсвэр бөгөөд дээрх хориг арга хэмжээ нь ОХУ-ын эрчим хүчийг импортлогч барууны хэрэглэгчдэд ч мөн нөлөөлөх нь гарцаагүй юм.

АНУ, Их Британи, Европын холбооны улс орнуудад инфляцийн түвшин нэмэгдсэн нь иргэдийн амьжиргаанд хэдийн нөлөөлж эхлээд байна. ОХУ-ын эдийн засаг эрчим хүчний экспортоос өндөр хамааралтай бөгөөд газрын тосны экспортоороо Саудын Араб, АНУ-ын араас бичигддэг.

Их Британийн хувьд ОХУ-ын газрын тосны импортыг 2022 оны сүүл гэхэд зогсоохоор төлөвлөжээ. АНУ-ын газрын тосны импортын 8 орчим хувийг, Их Британийн газрын тосны импортын 6 хувийг ОХУ эзэлдэг. Харин Европын холбоо ОХУ-ын эрчим хүчнээс хамаарал өндөртэй учраас ОХУ-ын эрчим хүчний импортыг шууд зогсоох боломжгүй юм.

Тиймээс Европын холбоо эрчим хүчний өөр эх үүсвэрүүд рүү шилжиж, сэргээгдэх эрчим хүчний салбараа хөгжүүлж, ОХУ-ын эрчим хүчнээс 2030 он гэхэд хамааралгүй болох зорилт тавиад байна.

Украин руу довтолж буй явдлыг буруушааж буй гадаадын компани, аж ахуйн нэгжүүд ар араасаа ОХУ-ын зах зээлээс тодорхойгүй хугацаагаар гарч байгаагаа мэдэгдсээр байна.

Сүүлд МакДональдс компани ОХУ дахь бүх салбар зоогийн газруудаа хааж буйгаа мэдэгдсэн бол Coca-Cola, PepsiCo компаниуд ОХУ-ын нутаг дэвсгэрт бүтээгдэхүүнүүдээ борлуулахаа зогсоож буйгаа мэдэгдсэн билээ. АНУ, Европын холбоо ОХУ-ын төв банкны өмч хөрөнгийг царцааж, зарим банкууд нь олон улсын төлбөр тооцооны системээс хасагдаж, ХБНГУ Оросын "Северный поток-2" төслийг зогсоогоод байгаа билээ.

Эх сурвалж: BBC

Содномцэрэнгийн Энхзаяа

mongolcom.mn

 

 
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.