Бамбай булчирхайн өвчлөлөөс шалтгаалж эрчүүдэд үргүйдэл тохиолдох эрсдэлтэй

Twitter Print
2020 оны 06-р сар 17-нд 08:53 цагт
Мэдээний зураг,

Бамбай булчирхайн өвчний хамгийн гол шалтгаан нь сэтгэл санаатай холбоотой учраас тайван байх, амьдралын зөв хэвшил, дадалтай байх хэрэгтэй. Хоол ундаа зохицуулж идэх хэрэгтэй.

Хоол ундаа улиралдаа зохицуулна, өдөртөө зохицуулна. Өдөрт идэх хоол ундны зохицол гэж хүртэл бий. Өмнөх хоол нь ямар байна, түүнтэй тохируулан дараагийн хоолоо идэх хэрэгтэй. Уух юмныхаа хэмжээг тохируулах, улиралдаа тааруулж хувцаслах зэргийг анхаарч чадвал бамбай булчирхайн өвчлөлөөс сэргийлж чадна. Ер нь ганц бамбайн өвчлөл гэлтгүй олон төрлийн өвчнөөс урьдчилан сэргийлэх арга зам бол энэ юм.

Бамбайн хордлогод орвол зүрх дэлсэх, салгалж чичрэх, даралт ихсэх зэрэг зүрх судасны үйл ажиллагаатай холбоотой өөрчлөлтүүд гарна. Бас нүдэнд өөрчлөлт орно, сэтгэл санаа маш тогтворгүй болж, уурлаж бухимдана, айж сандарна, түгших, цочих, хөлрөх, нойр хямрах гэх мэт сэтгэл санаа, мэдрэлийн үйл ажиллагаатай холбоотой өөрчлөлтүүд илрэнэ. Цаашлаад хавдар болох эрсдэлтэй байдаг. Эрчүүдэд ялангуяа хавдар болох эрсдэл өндөр. Эмэгтэйчүүдийн хувьд харьцангуй бага. Эрчүүдэд зангилаа үүссэн тохиолдолд ямар төрлийн зангилаатай байна гэдгээс хамаараад хавдар болох магадлал өндөр байдаг. Бамбай булчирхайн өвчлөлөөс шалтгаалж эрчүүдэд бэлгийн сулрал, үргүйдэл тохиолдох, эмэгтэйчүүдийн хувьд сарын тэмдгийн мөчлөг алдагдах эрсдэлтэй.

Манба Дацан Нэгдсэн эмнэлгийн Амбулаторийн эрхлэгч, АУ-ы магистр Л.ЭНХ-АМГАЛАН

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.