“Монако” есөн жилийн дараа Аваргуудын лигт

Twitter Print
2014 оны 05-р сар 06-нд 07:36 цагт
Мэдээний зураг,
Францын аварга шалгаруулах тэмцээнд “Монако” клуб хоёрдугаар байр эзэлж ирэх улирлын “Аваргуудын лиг”-т оролцох эрхээ авлаа. Тэд 35 тойрог тоглохдоо 22 хожил, 9 тэнцээ, 4 удаа хожигдож 75 оноотой улсынхаа лигт дэд байр эзэлж байгаа бол Нийслэлийн баг 83 оноотой тэргүүлж байна. Баян араб эзэнтэй “ПСЖ” сүүлийн хоёр жил Францын дээд лигт ийнхүү түрүүлж байгаа аж. Харин “Монако” клубын оргил үе нь 2004 он байсан. Тухайн жил “Аваргуудын лиг”-ийн финалд шалгарч Португалын “Порту”-д 3:0-ээр хожигдсон. Үүний дараа жил буюу 2005 онд Европын шилдэг клубуудын тэмцээнд оролцож байв.

Алдарт Ф.Морьентес “Монако”-гаас явснаас хойш “Аваргуудын лиг”-т нэг  ч оролцож чадаагүй өдий хүрсэн. Европын клубуудын хамгийн нэр хүндтэй тэмцээн болох “Аваргуудын лиг”-т шууд оролцох эрхийг УЕФА-гийн чансааг харгалзан олгодог. Өдгөө чансааг тэргүүлж буй Испани, Английн гурван баг шууд оролцох эртэй бол Герман, Итали, Францын улсынхаа лигт эхний хоёр байр эзэлсэн баг дараа улирлын “Аваргуудын лиг”-т цагаан хуудсаар оролцдог дүрэмтэй билээ.

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.