Санк-Петербургэд болсон дэлбэрэлтийн улмаас алдартай блоггер Владлен Татарский амь үрэгджээ

Twitter Print
2023 оны 04-р сар 03-нд 10:56 цагт
Мэдээний зураг,

ОХУ-ын Санкт-Петербург хотод байрлах "Стрийт Фүүд Бар No. 1" нэртэй кафед өнгөрсөн ням гарагийн орой дэлбэрэлт болсны улмаас 1 хүн амь үрэгдэж, 25 хүн шахджээ.

Оросын Дотоод хэргийн яамнаас мэдээлснээр дэлбэрэлтийн улмаас амиа алдсан нэг иргэн нь Оросын цэргийн алдартай блоггер Владлен Татарский байжээ.

Владлен Татарский буюу Максим Фомин нь ОХУ-ын Украинд явуулж буй дайныг дэмжигчдийн нэг бөгөөд "Стрийт Фүүд Бар No. 1" кафед зохион байгуулагдсан арга хэмжээнд оролцож байсан аж.

Оросын цэргийн бусад блоггерууд болон сэтгүүлчидтэй харьцуулахад Владлен Татарский дайны талбар дээрээс контентээ бэлтгэж, өөрөө зэвсэг барин тулаанд оролцож байжээ. Тэрээр телеграм нийгмийн сүлжээнд 500 мянга гаруй дагагчтай аж.

Дэлбэрэлт болсон кафе нь өмнө нь Вагнер компанийн тэргүүн Евгений Пригожиний эзэмшлийнх байсан ба кафед болсон арга хэмжээний үеэр В. Татарскийд жижиг баримал гардуулжээ. Уг баримал дотор тэсрэх бөмбөг байсан хэмээн хууль сахиулагчид сэжиглэж байна.

Интерфакс агентлагийн мэдээлж байгаагаар цагдаа нар 1997 онд төрсөн Дарья Треповаг уг хэрэги сэжиглэн баривчилсан байна. Дарья Трепова нь дэлбэрэлт болохоос өмнөхөн кафед хайрцагтай жижиг баримал авчирч байгаа нь хяналтын камерт бичигджээ.

В. Татарский нь Украины Донецк мужийн Макеевка хотод төрсөн бөгөөд түүнийг зэвсэглэсэн дээрмийн хэргээр ял эдэлж байхад нь Донецкийн салан тусгаарлагчид шоронгоос сулласан аж.

Эх сурвалж: BBC

Содномцэрэнгийн Энхзаяа

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.