Олимпд Оросын хөнгөн атлетикийн 10 тамирчин л оролцоно

Twitter Print
2021 оны 05-р сар 23-нд 10:23 цагт
Мэдээний зураг,

Дэлхийн Хөнгөн атлетикийн холбоо 2021 онд олон улсын тэмцээн уралдаанд ямар нэг улсын нэрийн өмнөөс биш зөвшөөрөгдсөн харъяаллын бус тамирчны статусаар оролцох эрхийг ОХУ-ын хөнгөн атлетикийн 23 тамирчинд олгожээ.

Өмнө нь Олон Улсын Хөнгөн Атлетикийн холбооноос Оросын хөнгөн атлетикийн 4 тамирчинд ANA (authorized neutral athletes) статусыг олгосон билээ.

Гэсэн хэдий ч дээрх 27 тамирчны зөвхөн 10 нь л энэ зун болох Токиогийн Олимпийн наадамд оролцох боломжтой аж. Дэлхийн Хөнгөн Атлетикийн холбооноос мэдээлснээр ОХУ зөвшөөрөгдсөн харъяаллын бус статус авсан 27 тамирчдаасаа 10-ыг нь сонгож Токиогийн Олимпийн наадамд илгээх аж.

Оросын Хөнгөн Атлетикийн холбоог 2015 онд допингийн асуудлаар Олон Улсын Хөнгөн Атлетикийн холбооны гишүүнчлэлээс хассан юм.

Үүнтэй холбоотойгоор ОХУ-ын хөнгөн атлетикийн тамирчид ОХУ-ын нэрийн өмнөөс олон улсын тэмцээнд оролцох эрхгүй болсон юм. 2019 онд Дэлхийн Допингийн Эсрэг агентлаг ОХУ-ын спортын томоохон тэмцээнд уралдаанд оролцох эрхийг нь 4 жилээр хассан ч 2020 оны 12-р сард эрхийг нь түдгэлзүүлэх хугацааг 2 жил болгон багасгажээ.

Эх сурвалж: https://www.bbc.com/sport/athletics

Орчуулсан: Содномцэрэнгийн Энхзаяа

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.