Ц.Нямдорж: Энэ олон сонин яана даа

Twitter Print
2014 оны 05-р сар 01-нд 18:08 цагт
Мэдээний зураг,
Монгол Улсын эдийн засаг, улстөр тогтворгүйтсээр байгаа нь ард түмний амьжиргаанаас эхлээд тун ч олон салбарыг хөлдөө чирж байгааг УИХ-ын эрхэм гишүүдээс ганц хоёр гайгүй ажигч, гярхай эрхмүүд олж харжээ. Тэдний магнайд УИХ дахь МАН-ын Бүлгийн “төмөр хоолой” Ц.Нямдорж зогсож байгаа нь андашгүй. Эрхэм гишүүн маань өчигдөрхөн байнгын хорооны хурал дээр сонин гарчиглаж суухдаа өнөөдрийн амьдралаас тун ч эгзэгтэй баримт олж үзжээ. Түүний олж тогтоосноор өдөр тутмын сонинуудын хуудас зар, рекламгүй шахуу болж, олноороо дампуурлын ирмэг дээр зогсож байгаа аж. Зар, сурталчилгааны мөнгөөр сэтгүүлчдээ цалинжуулж, хаалгаа барьчихалгүй аргацааж байгаа өдөр тутмын арван хэдэн сонин бараг л зар сурталчилгаагүй болж, үйл ажиллагааг нь сурталчлах аж ахуй нэгж байгууллага ч эрс цөөрсөн нь эрхэм гишүүний гярхай нүднээс бултаж чадсангүй. Зар сурталчилгаагүй шахам нэлийсэн олон сонинг залхуутайхан эргүүлж суусан Ц.Нямдорж гишүүн “Сонины нүүр дүүрэн нийтлэл л байх болж. Реклам бүр байхгүй шүү. Зөвхөн сонинд хамаатай мэт харагдавч аж ахуй нэгжүүдийн халаас хоосроод байгаагийн тод жишээ энэ. Эдийн засаг хямарсан байгааг хамгийн наад зах нь сонинд гарах рекламнаас олж хар та нар” хэмээн байнгын хорооны гишүүдэд зарлан тунхаглана лээ. Эрхэм гишүүний санаа зовох нь ч аргагүй. Үнэхээр өдөр тутмын сонинд зар, сурталчилгаа өгдөг аж ахуйн нэгж өдрөөс өдөрт тоо нь цөөрсөөр байгаа нь яалт ч үгүй үнэн билээ. Хойшид яадаг шүү юм бол доо.   
Сэтгүүлч Д.Энхтүвшин

E-mail: eegii1967@yahoo.com 
Утас: 76110303, 76110505

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.