Өнөөдөр Нидерландын эзэн хааны өдөр

Twitter Print
2014 оны 04-р сар 30-нд 08:47 цагт
Мэдээний зураг,
Өнөөдөр дөрөвдүгээр сарын 30, Нидерландын Хааны баярын өдөр. Жар гаран жилийн турш уламжлал болгон тэмдэглэж ирсэн энэ өдрийг өмнө нь Хатан хааны баярын өдөр (Konninginnedag / Queen's Day) хэмээдэг байв. Харин өнгөрсөн жилийн энэ өдөр Хатан хаан Беатрикс (Beatrix Wilhelmina Armgard) өөрийн хүү Оран-Нассаугийн хунтайж Виллем-Александрт (Willem-Alexander) хаан ширээгээ шилжүүлсэнээр 123 жилийн турш зөвхөн хатан хаадын засаглал ноёрхож ирсэн Нидерландын вант улс хаантай болсон билээ. 1980 онд хаан ширээнд заларсан Беатрикс хатантан энэ жил 76 настай, харин одоо “Нидерландын вант улсын эрхэм хүндэт гүнж” гэх хүндэтгэлтэй болсон.

Нидерландын хаантаны баярыг 1885 оноос эхлэн тэмдэглэж ирсэн бөгөөд тухайн үед тус улсын Либераль намаас санаачлан наймдугаар сарын 31 өдрийг ард түмний эв нэгдлийн өдөр болгон тэмдэглэдэг байсан бол дараа нь энэ өдрийг Вильгельмина гүнжийн төрсөн өдөрт шилжүүлсэн байна. Харин Вильгельмина гүнж хаан ширээнд залраснаас хойш Хатан хааны өдөр болгон тэмдэглэдэг  болжээ. Дараа нь 1949 онд хатан хааны титэм соёрхсон Юлиана гүнжийн төрсөн өдөр буюу дөрөвдүгээр сарын 30-нд шилжүүлсэн байна. Юлиана хатан хааны охин Беатрикс харин ээжийнхээ титмийг замгалжилсаны дараа урьдын адил төрсөн өдрөөрөөр нь хатан хааны өдрийг  тэмдэглэж байхаар шийдвэрлэжээ.

Хатан хааны өдөр харин энэ жил Хааны өдрөөр (King's Day) солигдов. Энэ жилийн баяр ёслол эрт, дөрөвдүгээр сарын 26-наас эхэлжээ. Харин ирэх жилээс дөрөвдүгээр сарын 27 буюу эрхэмсэг хаан Виллем-Александрын төрсөн өдрийг тохиолдуулан тэмдэглэж байхаар болсон байна. 
Нидерландын хаан Виллем Александр энэ жил 47 настай, түүхч мэргэжилтэйн зэрэгцээ нисгэгч. Тэрээр ээжийнхээ адил Лейдений их сургуулийг хууль эрх зүйн мэргэжилээр төгссөн байна.

1999 онд Нью-Йорк хотод анх гэргийтэйгээ танилцсан залуу хунтайж 2002 онд гэрлэлтээ албан ёсоор бүртгүүлсэн байна. Аргентин гаралтай, хөрөнгө оруулалтын банкинд ажиллаж байсан шаргал үстэй бүсгүй түүний гэргий болоход хаан ширээ залгамжлах асуудал эрсдэлд орж байжээ. Учир нь Голландын хуулийн дагуу ханхүү гэрлэх хүсэлтээ заавал парлемантаар зөвшөөрүүлдэг байна. Тухайн үед эхнэрээ, эсвэл хаан ширээгээ сонгох тухай асуултанд Александр эргэлзэлгүй эхнэрээ сонгосноор 2002 оны 02 сарын 02-ны өдөр хуримаа хийсэн билээ. Түүний гэргий Максима бүсгүй нь хуримаа хийсний дараа “Нидерландын гүнж” гэдэг хэргэм цол хүртжээ.
2003 оны намраас хосууд Eikenhors   хэмээх 30 өрөөтэй шилтгээнд амьдарч байгаан байна. 2003 оны 12 сарын 07-нд тэдний анхны үр болох Катарина Амали мэндэлжээ. 2005 оны 06 сарын 25-нд Алекси гүнж,  2007 оны 08 сарын 10-нд бяцхан Ариана мэндэлжээ. Гэвч  Виллем Александр хадмуудаа хуримын ёслол дээр ч,  хаан ширээнд залрах ёслолд ч уриагүй байна.

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.