Даамын “Шилдэг баг” тодорлоо

Twitter Print
2019 оны 12-р сар 09-нд 16:34 цагт
Мэдээний зураг,

Монголын даамын холбооны ерөнхийлөгчийн нэрэмжит 2019 оны багийн улсын аварга шалгаруулах тэмцээн энэ сарын 6-8-ны өдрүүдэд Баянгол дүүргийн 51-р дунд сургууль дээр зохиогдлоо.

19 дэх жилдээ зохиогдсон тус тэмцээнд нийт 13 баг өрсөлдсөн юм. Тэмцээний үндсэн төрөлд швейцарь системээр 7 өрөг тоглож дүнгээ гаргахад ОУИМ Г.Ганжаргал ахлагчтай “Ирээдүй” баг 11 оноогоор аваргалж, ДДХМ Г.Гэрэлболд ахлагчтай “Энэрэл-2” баг 10, СМ Д.Чойжилсүрэн ахлагчтай “Сонгодог байрлал-1” баг 9 оноогоор мөнгө, хүрэл медалийн эзэд боллоо. Шагналт IV-V байранд тус бүр 9 оноо авсан СМ Г.Энхтуяа ахлагчтай “ББЖ мастер”, ДДХМ Д.Ганболд ахлагчтай “Энэрэл-1” багууд шалгарсан.

“Ирээдүй”-гийн хувьд багийн улсын аварга цолыг хүртсэн найм дахь баг болсон байна. Түргэн тоглолтын төрөлд мөн л “Ирээдүй”-гийн даамчид 12 оноогоор аваргалж, давхар цохилт хийсэн юм. Мөнгөн медалийг ОУИМ Р.Манлай ахлагчтай “Алтан хүү-1” баг 10, хүрэл медалийг ОУИМ Д.Эрдэнэбилэг ахлагчтай “Champions” баг 10 оноогоор тус тус хүртсэн. Уламжлал ёсоор ширээ бүрийн аваргуудыг тодруулсан бөгөөд хувийн дүнгээр 1-р ширээнд ДДХМ Ц.Сүхбат (Хасу-Мегастарс), 2-р ширээнд СМ Д.Эрдэмбилэг (Ирээдүй), 3-р ширээнд СМ Л.Гансүх (ББЖ мастер), 4-р ширээнд ДДХМ Б.Нандинцэцэг, 5-р ширээнд ДДХМ Э.Хүслэн (Алтан хүү-1) нар аваргалжээ.

А.Алтанчимэг 

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.