Токио 2020 зуны Олимпийн наадмыг Японы иргэд цуцлахыг шаардаж байгаа билээ. Тэгвэл ОУОХ Токиогийн Олимпийн наадмын талаар сэтгэл нь түгшсэн олон нийтийг тайвшруулж байна.
Өчигдөр Олон улсын олимпийн хороо Токиогийн олимп тамирчдад төдийгүй зохион байгуулагчдад аюулгүй байх болно гэж сэтгэл нь түгшсэн Японы иргэдийг тайвшруулж, тоглолтуудыг эсэргүүцэж, COVID-19-ийн цар тахал олимпийн наадмыг цуцлахад хурцаар нөлөөлөх вий хэмээн болгоомжилж байгаагаа мэдэгджээ.
ОУОХ-ны ерөнхийлөгч Томас Бах Япон, ОУОХ-ны Зохицуулах комиссын хооронд гурван өдрийн виртуал уулзалтын эхэнд үг хэлэхдээ Олимпийн тосгоны оршин суугчдын 80 гаруй хувийг долдугаар сарын 23-нд эхлэх наадмын өмнө вакцинжуулалтад хамруулахаар яаравчилж байгаагаа ярьсан байна.
Дэлхийн спортын томоохон шоу тоглолт цар тахлын улмаас нэг удаа хойшлогдож улмаар Японы иргэд олимпийг цуцлахыг уриалж байгаа боловч нөгөө талаар олимпийг зохион байгуулахад Ковид-аас урьдчилан сэргийлэх хатуу арга хэмжээ авч зохион байгуулах бүрэн боломжтой гэдгийг ч мөн баталжээ.
Бах хэлэхдээ “Японы түншүүд, найз нөхөдтэйгөө хамт би ОУОХ-ны хүн бүрт аюулгүй, олимп, паралимпийн наадмуудыг хамтад нь зохион байгуулах бүрэн амлалтыг дахин цохон тэмдэглэж чадна. Одоо бид Олимпийн наадмыг та бүхэнд хүргэхэд бүх анхаарлаа хандуулж байна" хэмээжээ.
Олимп эхлэхэд 65-хан хоног үлдээд байгаа боловч Японы томоохон хотуудын нийт эмч нарын 30 хүрэхгүй хувь нь COVID-19-ийн эсрэг вакциныг тарьж байгаа талаар Никкей лхагва гарагт мэдээлжээ.
Энэ долоо хоногт гаргасан Засгийн газрын танхимын тоо баримтаас үзэхэд Япон улс COVID-19-ийн вакцинжуулалтад хамрагдаад гурван сар болоход эмнэлгийн ажилчдын 40 хүрэхгүй хувь нь вакцины бүрэн тунгаа тариулсан байна. Япон улс нийт 125 сая хүн амтай бөгөөд нийт 7.09 сая хүн вакцины эхний тунд хамрагдсан бол 2.14 сая буюу хүн амын ердөө 1,7 хувийг вакцины бүрэн тунд хамруулжээ.
Спортын сэтгүүлч Дэлгэрмаагийн Баасанжаргал
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
