Язгууртан гэж хэн бэ

Twitter Print
2019 оны 12-р сар 09-нд 12:57 цагт
Мэдээний зураг,

Язгууртнуудын мѳхлийн эрин үе буюу харц хамжлагууд хаадын сэнтийд сармагчин адил сандайлж буй цаг тѳр хэмээх нь:

Язгууртан гэж хэн бэ? гэдэг асуултанд эхлээд хариулах гэж оролдъё. Ѳнѳѳгийн хүмүүсийн ойлголтоор бол язгууртан гэх ойлголт нь феодал буюу ѳмнѳх бурангуй цаг үеийн дарангуйлагч, мѳлжигч нар гэж буугаад байгаа боловч үнэн хэрэгтээ тэс ѳѳр хүмүүсийн давхарга юм. Энэ бол тухайн улс гүрний түүхэн улбаа ба тѳрт ёс хууль, уламжлалт зан заншил, хүмүүжил ёсзүйн үнэт зүйлсийг хадгалан үлдэж, түгээн дэлгэрүүлж, үеийн үед залгамжлуулах үүрэг бүхий нийгэм, ард түмний хүмүүжил ёс суртахуун, үндэсний хэв шинж, ашиг сонирхлыг хадгалсан хамгийн дээд давхаргыг хэлнэ.

Харин ѳнѳѳдѳр бол Монголд зѳвхѳн мѳнгѳтэй баян тансаг амьдралтай, эрх мэдэлтэй л бол ѳѳрсдийгѳѳ язгууртан хэмээн нэрийдсэн хэмэг бүлэг хүмүүс ёсзүйг умартан, дотооддоо улс орныхоо эсрэг зѳвхѳн хувийн ашиг, санаа бодол ѳвѳрлѳн, алив ѳнгѳтэй ѳѳдтэй гэсэн бүхнийг үрэн таран хийж, зѳвхѳн авах идэхийн тѳлѳѳх тэмцэлд улайран буйг дүгнэвэл улс орны уналтын үе гэж дүгнэхэд нэг их хол зѳрѳхгүй байдалд хүрээд байна. Монгол хүний, Монголын ард түмний язгуур эрх ашиг гэж зүйл яригдахаа болиод удаж байна. Тѳрийг удирдаж, ард түмний сайн сайхан, амар амгалан байдлыг сахих ёстой жинхэнэ язгууртнууд ѳнѳѳдѳр нийгмийн хамгийн доод тѳвшинд, амьжиргаа аж байдлын бурангуй хэлбэрт, архидалт, ядуурал ажилгүйдэл, ганцаардал, үл тоомсорлол, үнэ цэнэгүйдэлт, завхрал муу муухай бүхний дунд чимээгүйхэн уусан мѳхсѳѳр байна.

Цѳѳхѳн хэдэн хүмүүс л үе дамжсан ургийн бичиг хѳтѳлж, уг гарал үүсэл, үндэс угсаа язгуураа авч үлдэхийн тѳлѳѳ чармайж буй хэдий ч тэдний дунд жинхэнэ Алтан ургийн язгуур үндэс угсааг авч үлдэж чадсан эсэх нь туйлын эргэлзээтэй байгаа юм. Түүхэн улбаанаасаа бид гадны улс орны түрэмгийлэл, дарангуйлал, харгислал дунд он удаан жил байж, удмын сангийн хувьд туйлын хүнд байдалд орж, харц хамжлага язгууртан цус холилдож, устаж мѳхѳж явсаар ѳнѳѳдрийн цаг үе нийгэмтэй золгосон юм. Одоо бол энэ цээжээ балбаж, Монгол дээл ѳмсѳж, морь уяж, бѳх тэх болж, сайн гэсэн удам судрыг хаа нэгтээгээс зээлдэн, хуурамчаар зохиомлоор найруулж, нэр нѳлѳѳ олох гэж яваа зальжин этгээдээр дүүрсэн энэ нийгэмд хүмүүсийн мѳс чанар, зан характерийн гажуудал хурцаар тавигдаж эхлээд байна.

Үүний жишээг ѳдрѳѳс ѳдѳрт зѳвхѳн материаллаг эд зүйлд хэт ач холбогдол ѳгч, оюун санаа, хүмүүжил ёс суртахууны зарчим, сэтгэлзүйн боловсролыг огоорч, харийн соёл ёс дэг жаягийг эрхэмлэн, түүгээр улбаалан 21-р зуунд Монголын соёл угсаатны зүйн олон үнэт зүйлсийг уландаа гишгэж байгаагаас бэлхнээ харж болох ажээ.

Proven Grow

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.