Исландын Рейкьявик хотод өнгөрсөн пүрэв гарагт АНУ-ын Төрийн нарийн бичгийн дарга Энтони Блинкен ОХУ-ын Гадаад хэргийн сайд Сергей Лавровтой хийсэн уулзалт 2 цаг орчим үргэлжилжээ.
Уулзалтын үеэр АНУ-ын Төрийн нарийн бичгийн дарга Энтони Блинкен Украины хил дээр Оросын цэргүүд байрлаж байгаа явдалд мөн Оросын сөрөг хүчний тэргүүн Алексей Навальныйгийн эрүүл мэндийн асуудалд санаа зовж буйгаа илэрхийлсэн талаар АНУ-ын төрийн департаментын албан ёсны төлөөлөгч Нед Прайс мэдэгджээ.
Түүнчлэн Энтони Блинкен Вашингтон Москватай тогтвортой харилцаатай байхыг эрмэлзэж байгаа ч ОХУ-ын үйлдэл АНУ болон АНУ-ын түнш улс орнуудын эрх ашиг, иргэдэд заналхийлсэн тохиолдолд Вашингтон хариу арга хэмжээ авах болно гэдгийг мэдэгджээ.
Уулзалтын үеэр талууд Сирийн асуудал, Армени-Азербайжаны хямрал, мөн хоёр улсын эрх ашигт нийцсэн асуудлаар хамтран ажиллах тухай санал солилцсон байна. Үүнд Иран, Хойд Солонгосын цөмийн хөтөлбөрийг хязгаарлах асуудлууд багтжээ. Уулзалтын төгсгөлд Энтони Блинкен, Сергей Лавров нар хэлэлцээрээ цаашид үргэлжлүүлэхээр тохирсон байна.
ОХУ-ын Гадаад хэргийн сайд Сергей Лавров АНУ-ын Төрийн нарийн бичгийн даргатай хийсэн уулзалт "үр дүнтэй" болсон хэмээн үзсэн ба Вашингтоны талаас асуудлуудаа хамтран шийдэх хүсэл илэрхийлсэнд баяртай байгаагаа илэрхийлжээ.
Эх сурвалж: https://www.interfax.ru/world/767852
Орчуулсан: Содномцэрэнгийн Энхзаяа
mongolcom.mn
Энэ мэдээ танд таалагдаж байвал LIKE хийгээрэй. Танд баярлалаа.
ЗочинZo
(103.26.194.32) 2014-04-26 21:18Chi aldaa gargaj bgagui yu mengetee temuujind amjilt
Хариулах
Зочин
(203.91.117.4) 2014-04-26 08:42хийхээс айж байсан ажлыг Тэмүүжин зоригтой хийж,сайн ажиллаж байгааг ард түмэн харж байгаа чамд амжилт
Хариулах
Зочин
(202.126.91.72) 2014-04-25 14:50aihtar hun shuu tsagdaa shinecleld durguidee bish shinechlel bilegtiig tomilogdohod ug ni ehelsen yum daanch temuujin ooroo zogsooson yum sh dee
Хариулах