“Ногоон өргөн чөлөө” төслийг дэмжлээ

Twitter Print
2020 оны 05-р сар 26-нд 12:23 цагт
Мэдээний зураг,

НИТХ-ын Тэргүүлэгчдийн хурлаар нийслэлийн авто замын сүлжээний “баруун бүс- хөгжлийн хөтөлбөр”-ийн ногоон өргөн чөлөө төслийг дэмжлээ. Тодруулбал Улаанбаатар хотын замын хөдөлгөөний ачааллыг жигд тараах зорилгоор одоогийн авто замын сүлжээнд тулгуурлан нэг төвт хот болгон хөгжүүлэх хот төлөвлөлтийн арга хэмжээ авах юм.

Үүний хүрээнд хотын баруун зүүн хэсгийг холбосон хэвтээ тэнхлэгийн 6, урд хойд хэсгийг холбосон босоо тэнхлэгийн 9,  тойрог 4 гол гудамж бүхий авто замын сүлжээг байгуулна. Төлөвлөж буй гудамж замын сүлжээ нь хотын төв, дэд төвүүд, үйлдвэр, суурьшил, амралт зугаалгын бүсүүдийг хооронд нь оновчтой холбосноор хөдөлгөөний давхцалыг арилгаж, түгжрэлийг сарниулах, хөдөлгөөний хурдыг нэмэгдүүлж гудамж замын нэвтрүүлэх чадварыг сайжруулна.

Энхтайваны өргөн чөлөөн дэх Үйлдвэрчний эвлэлийн гудамжны уулзвараас урагш төмөр замын доогуур нүхэн гарц барин өнгөрч улмаар Дунд болон Туул голын дээгүүр гүүрээр гаран Наадамчдын гудамж замтай Нүхтийн замын уулзвар дээр холбогдох баруун босоо шинэ тэнхлэгийг бий болгож улмаар Яармагийн гүүрний огтлолцол, Сонсголон болон Гурвалжингийн гүүрэн гарц, Чингисийн өргөн чөлөөний хөдөлгөөний ачааллыг хуваарилж авах замаар түгжрэлийг бууруулах зорилготой юм. Мөн өнөөдрийн хуралдаанаар Баянзүрх дүүргийн XI хорооны нутаг дэвсгэр Гачууртын уулзвараас Налайх, Чойрын уулзвар хүртэлх 20.9 км авто замыг “Уурхайчдын зам” гэж нэрлэлээ.

Эх сурвалж: Нийслэлийн ИТХ-ын ХМОНХТ

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.