Олноо “Бидон Ганбаа” хэмээн алдаршсан УИХ-ын гишүүн асан Д.Ганбат Баянхонгор аймгийн алдарт эхчүүдэд бидон, оюутнуудад сургалтын төлбөрийн тэтгэлэг гардуулж яваа аж.
Тэрбээр Ардчилсан хувьсгалын 30 жилийн ойг тохиолдуулан тус аймгийн Өлзийт, Жинст, Богд, Баянлиг, Баянговь, Шинэжинст гэсэн зургаан суманд энэ сарын 5-10-ныг хүртэл ажиллах бөгөөд энэ үеэр 2016-2019 онд алдарт эхийн 1, 2 дугаар одонгоор шагнагдсан эхчүүдэд эрүүл мэндэд ээлтэй бидон тараах юм.
УИХ-ын ээлжит сонгууль болоход жил хүрэхгүй хугацаа үлдсэн энэ үед улстөрчид тойргоо тойголж, нэр дэвших бэлтгэлээ хэдийнэ хангаж эхэлсэн. Д.Ганбат ч юугаар дутхав баянхонгорчууддаа бидоноо тарааж, сонгуулийн бэлтгэлээ базааж буй бололтой. Тэрбээр бидоноос гадна DOZ энтертайментийн уран бүтээлчдийн урлагийн тоглолтыг үзүүлж, үзэгчдээсээ Мустанг-5 мотоцикл болон 10 оюутны сургалтын тэтгэлгийн азтан шалгаруулж байгаа гэнэ.
2016 оны УИХ-ын сонгуулийн өмнө ч гэсэн Баянхонгорын алдарт эхчүүд бидонтой болсон байдаг. Тэдэнд нэгдүгээр одонтой бол 40 литр, хоёрдугаар одонтой бол 20 литр гэсэн ялгамжтай тарааж байсан юм. Ээжүүд ч хорт хавдар үүсгэгчгүй эрүүл мэндэд ээлтэй сав хэмээн ихэд бэлгэшээдэг гэнэ лээ.
Г.Ганаа
Энэ мэдээ танд таалагдаж байвал LIKE хийгээрэй. Танд баярлалаа.
zochin
(182.160.38.238) 2019-10-09 17:03ter bidonoos avahiimsan daa Sanalaa tegeed hend ch ugsun yahav dee
Хариулах
124563
(49.0.137.6) 2019-10-09 15:35Яахав яахав хүнд хэрэгтэй юм тарааж л байг, хэнд сонгуулиа өгөх нь тухайн хүний л асуудал. Одоо бас өөр хүмүүс зөндөөн юм тараана. Хүнийг нь хар, тараасан юм бас хэрэгтэй хэрэггүй юм гэдгийг хар. Ганбаагийн бидон бол 50 жил болсон яах ч үгүй байхаа.
Хариулах