Чөлөөт бөхийн тамирчдын нөхөн сэргээлтэд илүү анхаарч ажиллаж байна

Twitter Print
2019 оны 11-р сар 07-нд 15:19 цагт
Мэдээний зураг,

Чөлөөт бөхийн 2019 оны эмэгтэйчүүдийн Дэлхийн цомын тэмцээн энэ сарын 16-17-нд Японы Нарита хотод болно. 18 дахь удаагийн тэмцээнд Япон, Монгол, ОХУ, АНУ, БНХАУ, Украин гэсэн зургаан орны шигшээ баг өрсөлдөх юм.

Монголын эмэгтэйчүүдийн шигшээ баг В хэсэгт 2003 онд Дэлхийн цомд түрүүлсэн АНУ, Дэлхийн цомын гурван мөнгө, гурван хүрэл медальтай ОХУ-ын тамирчидтай учраа таарлаа. Монголын чөлөөт бөхийн холбооноос баг тамирчдынхаа бэлтгэлийг сургуулилтыг шинжлэх ухааны үндэслэлээр хангаж байна. Тэр дундаа тамирчдын сэтгэлзүй, нөхөн сэргээлтийн асуудал дээр илүү анхаарлаа хандуулан ажиллаж байгаагаа онцолж байгаа юм. Тэгвэл тамирчдын нөхөн сэргээлт буюу -150 хэмийг заадаг кореан сауныг хэргэлж байгаа.

Үүнийг Унгар улсын Будапешт хотод болсон чөлөөт бөхийн U23 насны ДАШТ-ий үеэр туршиж үзсэн байна. Ингэснээр тамирчид биенд хуримтлагдсан сүүний хүчлээ гадагшлуулж бие нь булрахгүй, сэргэлт хурдан авах олон сайн талын шинж ажиглагджээ. Тамирчид үүнд ач холбогдол өгч биед сайнаар нөлөөлж байгааг онцолжээ.

Токио-2020 зуны олимпийн XXXII их наадам эхлэхэд 1 жил хүрэхгүй хугацаа үлдээд байна. Өнөөдрийн байдлаар чөлөөт бөхийн баг хамт олон олимпийн наадмын хоёр эрх өвөртлөөд байгаа юм.

А.Алтанчимэг

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.