2019 оны 11 сарын 20-ний үүрээр БЗД 12 хороонд айлын байшин гэр шатаж байх үед НТТТ-ийн дуудлагын их эмч Одгэрэл, жолооч Гүнтэвсүрэн, дагалдан эмч Мөнхдэлгэр нар шатаж буй айлаас 5 хүүхэд 2 том хүний амь насыг аварч газар дээрхи тусламжийг үзүүлэн эмнэлэгт хүргэн өгсөн билээ.
Галын аюулаас зургаан хүний амь насыг аварсан Түргэн тусламжийн төвийн эмч, жолооч хоёрыг Нийслэлийн Эрүүл мэндийн газраас "Хүний төлөө" медалиар шагнасан байна. Мөн нэг сарын цалингаар нь урамшуулжээ.
Болсон явдлыг тодруулбал, өнгөрсөн арваннэгдүгээр сарын 19-20-нд шилжих шөнө 04:30 цагийн үед БЗД-ийн 12-р хороо Жанжины 29-783а тоотод угаартсан гэсэн дуудлагын дагуу очиход хашааны гадна нэг эрэгтэй хүн “байшин шатаж байна” гээд зогсож байжээ. Энэ үед 103-н эмч 101 дуудаад ороход байшингийн цонхоор гал дүрэлзэж эхэлсэн байшингийн урд 2 алхмын зайтай гэр яах ийхийн зуургүй шатаж эхэлжээ.
Гэрт хүүхдүүд байсан бөгөөд түргэний эмч авхаалж самбаа гаргаж, цаг алдалгүй гэрт байсан 2-13 насны 5 хүүхэд, 2 том хүн байсан ба нүцгэн байсан хүүхдүүдийг хөнжилд ороогоод машиндаа зөөж дуусангуут гэрийн тооно доошоо унасан байна. Аз болоход хүн түлэгдэж бэртээгүй ч тус гэр бүлийн хувьд галд гэрээ алдсан юм.
Г.Ганаа
Энэ мэдээ танд таалагдаж байвал LIKE хийгээрэй. Танд баярлалаа.
