Хятадын ард түмэнд туслахыг Монгол, Хятадын Найрамдлын нийгэмлэгээс уриаллаа

Twitter Print
2020 оны 02-р сар 07-нд 18:37 цагт
Мэдээний зураг,

БНХАУ-д шинэ төрлийн коронавирусын халдварт өвчин гарч, Хятадын ард түмэнд томоохон сорилт тулгарч байна.

“Зовох цагт нөхрийн чанар танигдана” гэсэн Монгол ардын зүйр үг байдаг. Монголын ард түмэн энэ хүнд цаг үед хөрш Хятадын ард түмэнтэй хамт байж, сэтгэлийн дэм, дэмжлэг туслалцаа үзүүлэхийг Монгол, Хятадын Найрамдлын нийгэмлэгээс төрийн ба төрийн бус байгууллагууд, БНХАУ-тай хамтран ажилладаг аж ахуйн нэгж болон нийт монголчууддаа уриаллаа.

Уг уриалгад, “БНХАУ-д шинэ төрлийн коронавирусний халдварт өвчин дэлгэрч, халдвар авсан хүний тоо өнөөдрийн байдлаар 28060-д хүрч, 560 гаруй хүн нас бараад байгаа төдийгүй, БНХАУ-ын нийгэм, эдийн засгийн хэвийн үйл ажиллагаанд ихээхэн саад бэрхшээл учирч, Хятадын төр засаг, нийт ард түмэнд томоохон сорилт тулгарч байна.

Бүс нутгийн улс орнууд, дэлхий нийтийн өмнө томоохон сорилт болж буй халдварт өвчний тархалтыг зогсоож, хяналтад авахад олон улсын хамтын нийгэмлэгийн уялдаа холбоотой, харилцан ойлголцсон хамтын ажиллагаа нэн чухал төдийгүй, улс түмнүүдийн хүмүүнлэгийн болон сэтгэл санааны дэмжлэг, бодит тусламж БНХАУ-д зайлшгүй шаардлагатай байгааг олж харж байна. Дэлхийн улс орнууд эл хүнд байдлыг даван туулахад нь зориулж БНХАУ-д янз бүрийн дэмжлэг тусламж үзүүлж эхлээд байна. ОХУ, Австрали, Япон, БНСУ, Казахстан, Киргизстан, Тайланд, ХБНГУ, Их Британи, Франц, Итали, Унгар, Беларусь, Турк, Шинэ Зеланд зэрэг 20 гаруй улсаас тусламж үзүүлжээ.

Монгол Улсын Засгийн газар 200 мянган ам.долларын хүмүүнлэгийн тусламж үзүүлээд байна. “Зовох цагт нөхрийн чанар танигдана” гэсэн Монгол ардын зүйр үг байдаг. Монгол Улс, Монголын ард түмэн энэ хүнд цаг үед найрсаг хөрш БНХАУ, Хятадын ард түмэнтэй хамт байж, дэмжлэг туслалцаа үзүүлэхийг Монгол, Хятадын Найрамдлын Нийгэмлэгээс төрийн ба төрийн бус байгууллагууд, БНХАУ-тай хамтран ажилладаг аж ахуйн нэгж байгууллагууд болон нийт монголчууддаа уриалж байна.

Уриалгыг хүлээн авч, дараах дансаар хандив ирүүлнэ үү.

Банкны нэр: Хасбанк

Дансны нэр: Монгол, Хятадын Найрамдлын Нийгэмлэг

Дансны дугаар: 5003011207 

Лавлах утас: 95959329, 99081580

Сайн сэтгэлийн хандивыг БНХАУ-аас Монгол Улсад суугаа ЭСЯ-нд хүлээлгэх өгөх болно” хэмээжээ. 

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.