ОУХМ М.Анхцэцэгийг МҮОХ-ны “Алтан Очир” одонгоор шагналаа

Twitter Print
2019 оны 12-р сар 02-нд 15:11 цагт
Мэдээний зураг,

Хүндийн өргөлтийн спортоор Улаанбаатар хотын хэмжээнд 350 гаруй тамирчин хичээллэж байна.

Үүгээр ч зогсохгүй хүндийн өргөлтийн спорт манай улсын орон нутагт ч түгэн дэлгэрч байгаагийн нэг тод жишээ бол Хэнтий аймагт саяхан байгуулагдсан отгон салбар холбоо юм. МХӨХ-ноос жил бүр хуваарийн дагуу тэмцээн уралдааныг зохион байгуулдаг. Үүний нэг нь Дэлхийн хүндийн өргөлтийн холбооны Алтан од одонт, Монгол төрийн хошой алтан гадас одонт, алдарт дасгалжуулагч Тавхийн Самбуугийн нэрэмжит тэмцээн юм.

Тус тэмцээн зөвхөн огцом өргөлтийн төрлөөр медалийн эздээ тодруулж байна. Хүндийн өргөлтийн шигшээ багийн анхны дасгалжуулагчдаа хойч үед нь алдаршуулах, тэдний хөдөлмөр зүтгэлийг өсвөр залуу тамирчдад танин мэдүүлэх зорилгоор ууган дасгалжуулагч нарын нэрэмжит өрсөлдөөнийг зохион байгуулдаг. Тэгвэл дасгалжуулагч Гансүх агсаны нэрэмжит түлхэлттэй өргөлтийн тэмцээнийг энэ сарын 03-ны өдөр спортын төв ордонд явуулж шилдгүүдээ тодруулах юм. Энэ удаагийн тэмцээнд 200 гаруй тамирчин өсвөр үе, залуучууд, насанд хүрэгчид, мастерс гэсэн 4 насны ангилалд хүч бяр, техник ур чадвараа сорьж байна.

Монголын “Хүндийн өргөгчдийн баяр”-ын өдөр энэ сарын 03-ны өдөр тохионо. Үүнтэй холбогдуулан олимпийн эрхэд тун ойрхон амжилттай яваа шигшээ багийн нэр бүхий тамирчдыг шагнаж урамшууллаа. МҮОХ-ны “Алтан Очир” одонгоор Дэлхийн аваргын хошойо хүрэл медальт, ОУХМ М.Анхцэцэг, “Олимпийн алдар” одонгоор Дэлхийн цомын аварга, Оюутны дэлхийн аваргын мөнгөн медальт, ОУХМ Г.Ануужин, Дэлхийн цомын хошой аварга, Азийн цомын аварга ОУХМ Э.Билэгсайхан нарыг шагнаж урамшууллаа.

Хүндийн өргөлтийн ҮШБ-ийн тамирчид Катарын Дохад энэ сарын 19-нөөс 24-ний өдрүүдэд болох Олон улсын цомын VI тэмцээнд өрсөлдөхөөр бэлтгэлээ хангаж байна.

А.Алтанчимэг 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.