Эмилиа-Романьнгийн нээлттэй тэмцээнд Серена Уильямс шөвгийн 16-ийн шатнаас хасагдлаа

Twitter Print
2021 оны 05-р сар 19-нд 13:41 цагт
Мэдээний зураг,

Талбайн теннисний Эмилиа-Романьнгийн нээлттэй тэмцээн энэ сарын 18-нд Италийн Парма хотод эхлээд байна. Тэмцээний гол Фаворитуудын нэг байсан Серена Уильямс шөвгийн 16-ийн шатнаас хасагдлаа.

Францын нээлттэй тэмцээний бэлтгэл болох учиртай Эмилиа-Романьнгийн нээлттэй тэмцээн Италийн Парма хотын шавар талбайд энэ сарын 18-нд эхэллээ.

Өдгөө 39 настай Серена Уильямсийн хувьд тус тэмцээний эхний шатанд нутгийн теннисчин Лиза Пигатог 6-3, 6-2 харьцаагаар хожсон бол шөвгийн 16-ийн шатанд дэлхийн чансааны 68 Чехийн теннисчин Катерина Синиаковад 7-6 (7-4), 6-2 харьцаатай  ялагдлаа. 

Уильямс Лиза Пигатогийн эсрэг маш эвтэйхэн тоглож байсан боловч Синиакова энэ өдөр илүү зальтай байлаа.  

Өдгөө 39 настай тамирчин энэ сарын 30-нд болох Францын нээлттэй тэмцээн эхлэхээс 10 гаруй хоногийн өмнө тэмцээнээс хасагдсан нь шавар талбай дээр бэлтгэлээ базаах боломжийг олгож байна.

Тэрбээр Ролан Гарросоос өмнө бусад тэмцээнүүдэд өрсөлдөх хуваарьгүй байгаа бөгөөд Хэрвээ Францын их дуулгад түрүүлбэл дээд амжилт болох 23 дах удаагийн Их дуулга тэмцээний ганцаарчилсан төрлийн ялагч болсон үзүүлэлтээ нэгээр нэмэх боломжтой.

Их дуулга тэмцээнд хамгийн олон түрүүлсэн теннисчин нь Австралийн Маргарет Корт бөгөөд 24 удаа түрүүлжээ.

Харин Серена Уильямсын хувьд өнгөрсөн гурван жил тун таагүй жил болж энэ хугацаанд ямар нэг их дуулга тэмцээнд түрүүлж чадаагүйгээр барахгүй финалд үлдэж чадаагүй явж байна.

Спортын сэтгүүлч Дэлгэрмаагийн Баасанжаргал

mongolcom.mn

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.