45-хан хоног бэлтгэгдээд краны оператор хийж буй хүмүүс осол гаргах нь ихэслээ

Twitter Print
2014 оны 04-р сар 22-нд 12:27 цагт
Мэдээний зураг,
Өнгөрсөн долоо хоногт барилгын кран авто зам дээр унасан хэрэг гарлаа. Үүний эзэн холбогдогч нь “S-Outlets” компани юм байна. БЗД-ийн нутагт орших тус компанийн өргөтгөлийг барьж байх явцад краны төмөр хугарч унажээ. Азаар тухайн үед хүн гэмтээгүй аж. Харин краны оператор бага зэргийн доргилт авснаас өөр иргэдэд хохирол учраагүй юм. Урин дулаан цаг эхэлж барилгын ажил хаа сайгүй явагдаж байгаа энэ үед осол, хэрэг гарч эхэлсэн нь харамсалтай. Нөгөөтэйгүүр холбогдох газрууд нь энэ тал дээр илүү анхаарлаа хандуулж ажиллах шаардлагатайг санауулж байна.

Кран унасан хэргийн тухайд мэргэжлийн байгууллага эцсий дүгнэлтээ гаргаагүй юм. Гэхдээ хэргийн газар ажилласан мэргэжлийн хүмүүсийн ярьж буйгаар тухайн кран нь “S-Outlets” компанийн эзэмжилд байдаг. Тухайн үед барилгын ажил явагдаж байхад газар цөмөрч, тулгуур нь хугарч осол гарчээ. Мэргэжлийн хяналтын газрын мэргэжилтэн П.Дашдаваа хэлэхдээ “Унасан төмрийн жинг тооцоод даац хэтрүүлсэн эсэхийг тодорхойлно. Журмаараа хөрсөө шинжилж, кранаа байруулах ёстой байсан. Харин осол гарах үед аюулгүй ажиллагааг хангах мэргэжилтэн байгаагүй, зөвхөн краны оператор л байсан байна” гэжээ.

Ер нь барилгын ослын ихэнх нь кран буюу өргөгчтэй холбоотой байдаг. Олон давхар барилга барихад бетон хавтангаа дээш, доош зөөх бүх ажлыг өргөгч кран гүйцэтгэдэг. Гэтэл манайд ашиглагдаж буй крануудын дийлэнх нь урд хөршөөс орж ирдэг, чанарын баталгаагүй байдаг нь нууц биш. Мөн кран дээр ажиллаж буй операторыг мэргэжлийн түвшинд бэлтгэлгүй ажлын талбарт гаргаж байгаа нь осол гарах үндэс нь болж байна.

Эрэлтээ дагаад барилга дээр ажиллаж буй боловсон хүчний асуудал ч хүндрэлтэй байдаг тухай ажил олгогчид учирлаж байсан. Тухайлбал краны операторыг 45 хоногийн курст суулгаад, түүнийг нь гэрчлэх цаас өгсөн болоод барилга дээр ажиллуулж байгаа. Энэ нь маш том эрсдэл гэдгийг хаана, хаанаа мэдэж байгаа ч чимээгүй өнгөрөөд шинэхэн, туршлагагүй оперторуудыг краны ард суулгадаг.

Хэдхэн халтар төгрөгийн орлогоо бодоод залуухан оператор ажилд авч буй нь эцэстээ маш том эрсдэл бий болгож эрдэнэт хүний амь, эд хөрөнгө сүйдэж байна. Одоо урин цаг ирж барилгын ажил ид өрнөх энэ үед хичнээн краны оператор осол гаргахыг таах аргагүй. Үүнийг мэргэжлийн байгууллагаууд эртхэн анхааралдаа авахгүй бол “ниргэсэн хойно нь хашгирав” гэгч л болох байх.

Сэтгүүлч М.Золбаатар

E-mail: zoloo_fifa@yahoo.com 
Утас: 76110303, 76110505

- See more at: 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • тархигүй ам

      (103.26.194.28) 2014-04-21 22:07
      • 0
      • 0

      хэд хоног бэлтгэвэл болох юм шиг байна. санаа гаргаж хариулт олохгүй бол үглээ ээж шигээ юм болох нь байна маргааш мартчихсан байх байх

      Хариулах

    • zet

      (202.131.238.115) 2014-04-21 13:28
      • 0
      • 0

      tiim shuu.xonogtoo bish setgel dutaad baigaa yumaaaa

      Хариулах

    • Зочин

      (202.126.91.153) 2014-04-21 12:47
      • 0
      • 0

      Дөрөв хоног бэлтгээд гаргасан ч бай хамаагүй....Гол нь сэтгэл дутаад байгаа юм. Ажил хийх гэж ярагласаар байгаад л тэр...

      Хариулах