Шинэ оны эхний өдөр дэлхий даяар 370 мянган нялхас төрнө гэсэн тооцоог НҮБ-ын Хүүхдийн Сан хийжээ

Twitter Print
2021 оны 01-р сар 01-нд 14:51 цагт
Мэдээний зураг,

Нью Иорк, 2021.01.01. – Шинэ оны эхний өдөр дэлхий даяар 371,504 нялхас мэндэлнэ гэж НҮБ-ын Хүүхдийн Сан тооцоолжээ. Хуанлийн хуудас эргэхтэй зэрэгцээд 2021 оны нэгдүгээр сарын 1-ний өдөр энэ дэлхийн шинэхэн иргэн дуугаа хадаан мэндэлнэ.

Номхон далайд орших Фижи Улсад шинэ оны ууган хүнээ угтаж байхад АНУ-д улиран одож буй оны отгон хүүхдээ эх барьж авах юм. Энэ өдөр төрсөн хүүхдүүдийн тал нь Энэтхэг (59 995), Хятад (35 615), Нигери (21 439), Пакистан (21 439), Индонез (12 336), Этиоп (12 006), АНУ (10 312), Египт (9 455), Бангладеш (9 236), Бүгд Найрамдах Ардчилсан Конго (8 640) гэх арван улсад мэндэлнэ. Монгол орон энэ өдөр 174 шинэ иргэнээ угтан авах юм.

2021 онд шинээр мэндлэх 140 сая хүний дундаж нас нь 84 байна. “Өнөөдөр төрж буй хүүхдүүдийн амьдрал дөнгөж жилийн өмнө төрсөн ах эгчтэй нь харьцуулахад хүртэл эрс өөр байна. Шинэ он бидэнд энэ бүхнийг өөрөөр төсөөлөх боломж олгож буй” гэж НҮБ-ын Хүүхдийн Сангийн Гүйцэтгэх захирал Хэнриетта Форэ хэлээд “Өнөөдөр төрж буй хойч үе тэдэнд зориулж бидний өнөөдөр бүтээж буй дэлхий ертөнцийг өвлөн авна. Ийм болохоор 2021 оныг бүгдээрээ шударга, аюулгүй, эрүүл дэлхий ертөнцийг бүтээх гараагаа болгоцгооё” гэж уриалав.

Хүүхэддээ өгдөг хамгийн түгээмэл нэр НҮБ Хүүхдийн Сан** (эрэгтэй, эмэгтэй)

Австрали: Жон, Маргарет

Хятад: Мин, Шүлан

Хорват: Иван, Мария

Дани: Эрик, Кристэн

Франц: Жан, Мария

Герман: Ханс, Ринатэ

Израиль: Мошэ, Эстер

Япон: Масару, Казүко

Солонгос: Ёон-хо, Ёон-жа

Монгол: Ананд, Амин-Эрдэнэ

Польш: Яан, Мария

Орос: Иван, Мария

Испани: Хосе, Мария Кармен

Их Британи: Жон, Маргарет

АНУ: Жэймс, Мэри Энэ онд НҮБ-ын Хүүхдийн Сан үүсэн байгуулагдсаны 75 жилийн ой тохиож буй. Тус байгууллага өөрийн хамтрагчдын хамтаар хүүхэд бүрийг дайн самуун, өвчин эмгэг, ялгаварлан гадуурхалтаас хамгаалж, амьд мэнд явах, эрүүл өсч бойжих, боловсрол мэдлэгтэй болох эрхийг нь хамгаалж ирсэн 75 жилийн ойн баяраа жилийн туршид тэмдэглэх юм.

Эх сурвалж: UNICEF

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.