Премьер лиг одоо л сонирхолтой үе дээрээ ирлээ

Twitter Print
2014 оны 04-р сар 21-нд 08:07 цагт
Мэдээний зураг,
Английн премьер лигийн 35-р тойргийн тоглолтууд өнгөрсөн амралтын өдрүүдэд боллоо. Улсынхаа аварга шалгаруулах тэмцээнд хамгийн олон түрүүлж, 1992 оноос хойш гуравдугаар байраас доош бууж үзээгүй алдарт “Ман.Юнайтед” энэ улиралд араваас дээш хожигдон түрүүлж чадахгүй нь тодорхой болсон. Харин эсрэгээрээ 1992 оноос хойш түрүүлж үзээгүй “Ливерпуль” 35 тоглолтоос 25 хожил авч 80 оноотой одоогийн байдлаар тэргүүлж байна. “Аваргуудын лиг”-т гайхамшгийг бүтээж, зууны шилдэг шигшээ тоглолтын баатар болсон “Мөнхийн ахлагч” С.Жеррард өнөө жил багаа гайхалтай удирдаж цом хүртэхэд ойрхон ирлээ.

Тэдний гол өрсөлдөгч “Челси” бямба гарагт “Сандерлэнд” багт 1:2-оор ялагдал хүлээсэн бол “Ман.Сити” хоёр тойрог дутуу байгаа. Бусад тоглолтын хувьд “Тоттенхэм Хотспур”-“Фулхэм” 3:1, “Соунси Сити”-“Ньюкасл” 2:1, “Кристал Палас”-“Вэстхэм” 1:0, “Ливерпуль”-“Норвич Сити” 3:2, “Арсенал”-“Халл Сити” 3:0, “Эвертон”-“Ман.Юнайтед” 2:0-ээр хожсон бол “Астон Вилла”-“Соутхэмптон” 0:0, “Кардиф Сити”-“Сток Сити” 1:1-ээр тэнцлээ. Мэргэн буучдын жагсаалтыг “Хотон шувуунууд”-ын Л.Суарес 29 гоолтой итгэл төгс тэргүүлж байгаа бол Д.Старриж 20, Яя Туре 18, У.Руни 15 гоол оруулж эхний дөрөвт бичигдэж байна.

Сэтгүүлч М.Золбаатар

E-mail: zoloo_fifa@yahoo.com 
Утас: 76110303, 76110505

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.