ЦЕГ-ын дарга Б.Билигтийн халсан хурандаа Н.Амарзаяаг Х.Тэмүүжин сайд эргүүлэн томилжээ

Twitter Print
2014 оны 04-р сар 18-нд 15:46 цагт
Мэдээний зураг,
ЦЕГ-ын дарга Б.Билэгтийн 2012 оны аравдугаар сарын 01-ний өдрийн тушаалаар Баянгол дүүргийн Засаг даргын дэргэдэх Цагдаагийн хэлтсийн дарга, хурандаа Н.Амарзаяа албан тушаалаас нь чөлөөлсөн байдаг. Гэвч 2014 оны гуравдугаар сарын 27-ны өдөр Хууль зүйн сайд Х.Тэмүүжиний тушаал гарч Н.Амарзаяаг ЦЕГ-ын Дотоод хяналт-Аюулгүй байдлыг хангах асуудал эрхэлсэн дэд даргаар томилжээ.

Харин дараахан нь хурандаа Н.Амарзаяаг ХОМ-ээ худал мэдүүлсэн, нуун дарагдуулсан гэх үндэслэлээр АТГ-аас албан тушаалаас нь чөлөөлөх хүсэлт хүргүүлсэн байна. Үүний дагуу ЦЕГ-ын даргын зөвлөл хуралдаж албан тушаалаас нь чөлөөлөх шийдвэрийг гаргажээ. Гэтэл Хууль зүйн сайдын тушаалаар Н.Амарзаяа ЦЕГ-ын Дотоод хяналт-Аюулгүй байдлыг хангах асуудал эрхэлсэн дэд даргын албан тушаалыг хүлээн авч, АТГ-аас ирүүлсэн дүгнэлтэд арга хэмжээ авахыг ЦЕГ-ын удирдлагад үүрэг болгосон байна.  

Өөрөөр хэлбэл дарга нь халж, сайд нь тушаал ахиулан томилдог энэ үйлдлийг төрийн байгууллага, тэр дундаа хууль сахиулах байгууллагад дарга, цэргийн уялдаа холбоо алдагджээ гэж хардахаас аргагүйд хүргэж байгаа юм.

Түүнээс гадна Х.Тэмүүжин сайд энэхүү тушаалаараа өөртэй нь тэрсэлдээд байгаа ЦЕГ-ын дарга Б.Билигтийн эсрэг төлөөний хүнээ сөргүүлэн тавьсан үйлдэл гэж хардагсад ч олширч байгаа ажээ.

Д.Энхтүвшин

Сэтгүүлч Д.Энхтүвшин

E-mail: eegii1967@yahoo.com 
Утас: 76110303, 76110505

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.