Бостон хотын марафон гүйлт энэ жил тайван өнгөрлөө

Twitter Print
2014 оны 04-р сар 16-нд 11:25 цагт
Мэдээний зураг,
Америкийн Бостон хотод өчигдөр болсон марафон гүйлтийн тэмцээний барианы шугамны ойролцоо сэжигтэй зүйл илэрсэний улмаас хүмүүсийг яаралтай аюулгүй газар шилжүүлсэн байна. Энэ үеэр метроны ойр хавийн станцуудыг хааж, сэжигтэй зүйл орхисон этгээдийг эрэн сурвалжлах ажил эхлүүлсэн аж. Өнгөрсөн жил террорист халдлага болсон газар энэ жилийн гүйлтийн тэмцээний бариаг товлосон байсан бөгөөд гурван хүн амь үрэгдэж, 260 гаран хүн шархадсан эмгэнэлт явдлыг дурсаж гашуудлын цуглаан зохион байгуулсан энэ үеэр хар хувцас өмссөн нэгэн хүн үүргэвчтэй зүйл орхин явсан байна. Цагдаа нар сэжигтэй этгээдийг цаг алдалгүй баривчилж, одоогоор мөрдөн байцаасаны дараа гэм буруугүй байсаныг тогтоосон тухай орон нутгийн The Boston Globe сонинд мэдээлжээ.

Энэ удаагийн тохиолдол ноцтой аюул занал учруулаагүй ч гэсэн гүйлтийн тэмцээний барианы газраас аль болохоор хол байж, сэжигтэй зүйлсээс сэрэмжлэхийг хотын цагдаагийн газрын төлөөлөгч Дэвид Эстрада анхааруулсан байна.

Жил бүр уламжлал болон зохион байгуулдаг марафон гүйлтийн энэ жилийн тэмцээнд 2,5 мянган хүн оролцсоны дотор АНУ-ын дэд ерөнхийлөгч Жозеф Байден, Массачусетс муж улсын захирагч Девал Патрик, Бостон хотын мэр Мартин Уолш нар оролцжээ.

Тэмцээний аюулгүй байдлыг хангахад өнгөрсөн жилийнхээс хоёр дахин их хүч гаргаж 3,5 мянган хууль сахиулах ажилтан ажилласаны дээр энгийн хувцастай цагдаа нар ч олон байсан аж. Харин тэмцээн үзэж сонирхохоор ирсэн хүмүүсийг том цүнх, үүргэвч, түрдэг тэрэг болон бусад овор ихтэй зүйл авч явахыг хориглохын хамт, чөлөөтэй хэлхгэр хувцас өмсөж, нүд нүүрээ далдалсан малгай, амны хаалт зүүхгүй, нэг литрээс илүү ундаа, ус авч явахгүй байхыг анхааруулсан хэдий ч хар хувцастай хүн үүргэвчтэй нэвтэрч дөнгөсөн байна.

Бостон марафон гүйлтийн өнгөрсөн жилийн тэмцээний үеэр Чечен гаралтай ах дүү хоёр 26 настай Тамерлан болон Жохар Царнаевууд халдлага үйлдэж гурван хүний аминд хүрч, олон зуун хүн шархдаж байсныг дэлхий дахин мэдэх болсон. Халдлага болсоноос хэдэн өдрийн дараа Тамерлан цагдаа нартай буудалцах үедээ алуулсан бол энэ жил 20 нас хүрсэн дүү Жохар Царнаевыг өнгөрсөн оны долоодугаар сард эоүүгийн хуулийн 30 зүйл ангиар буруутгаж алах ял оноох шийдвэр гаргаад байгаа бол ирэх арваннэгдүгээр сарын 3-нд энэ хэргийг эцэслэн шийдвэрлэх шүүх хурал төлөвлөөд байгаа билээ.

Л. Отгонбат

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.