Хамгийн хөнгөн жин буюу 49 кг-д өрсөлдөж буй Б.Ганболд БНСУ-ын Хан Юун Хуныг илт давуу ялжээ. Түүнийг ирээдүйд тив,дэлхий, олимпоос медаль хүртэх сайн тамирчин тодорч байна гэж гадны мэргэжилтнүүд өндөр үнэлсэн байна. Түүнд онооны хол зөрүүтэй ялагдсан Солонгос хөвгүүн энэ жилийн нэгдүгээр сард Бангкокт болсон Азийн АШТ-ээс мөнгөн медаль хүртсэн улсынхаа найдваруудын нэг байсан гэнэ.
Тэгвэл 52 кг-д өрсөлдсөн Т.Бат-Очир мөн эхний өрсөлдөгч ӨАБНУ-ын тамирчныг ялжээ. Олон улсын олимпийн боксын холбооны албан ёсны вебсайт “aiba.org”-г ДАШТ-ний эхний өдрийн онцлох багаар манай шигшээг нэрлэсэн байна. Софийн ДАШТ-д амжилттай оролцсон тамирчид ирэх наймдугаар сард Нанжинд болох хүүхдийн олимпод оролцох эрх авах учир тоглолт бүр туйлын хариуцлагатай гэдгийг манай өсвөрийн ширэн бээлийтнүүд сайн ойлгож бүх хүчээ гарган өрсөлдөж байгаа ажээ.
Д.Энхтүвшин
Энэ мэдээ танд таалагдаж байвал LIKE хийгээрэй. Танд баярлалаа.
