Х.Тэмүүжинг огцруулах О.Баасанхүүгийн бойкот хойшлогдов

Twitter Print
2014 оны 04-р сар 14-нд 17:19 цагт
Мэдээний зураг,

УИХ-ын хууль зүйн байнгын хорооны хуралдаанаар УИХ-ын гишүүн О.Баасанхүүгийн өнгөрсөн даваа гарагт өргөн барьсан Хууль зүйн сайд Х.Тэмүүжинг огцруулах эсэх асуудлыг хэлэлцэв.Хуралдааны үеэр УИХ-ын гишүүн Д.Ганбат Хууль зүйн сайд Х.Тэмүүжинтэй холбогдох мэдээллүүд хангалтгүй байна гэж үзэн дахин мэдээлэл цуглуулах горимын санал гаргасан юм. Д.Ганбат гишүүний гаргасан горимын саналыг байнгын хорооны 15 гишүүний 13 нь дэмжсэнээр асуудал хойшлогдов. Байнгын хорооны гишүүд дээрх асуудалтай холбоотой мэдээлэл дутмаг байгаа учир О.Баасанхүү гишүүний гаргасан үндэслэлүүдийн талаар дахин мэдээлэл цуглуулсны дараа Х.Тэмүүжин сайдыг огцруулах эсэх асуудлыг үргэлжлүүлэн хэлэлцэхээр боллоо. Одоогоор Хууль зүйн байнгын хорооноос дахин хэлэлцэх хугацааг тогтоогоогүй байна. О.Баасанхүү гишүүний гаргасан үндэслэлүүд болон Х.Тэмүүжин сайдын тайлбар мөн энэ талаарх гишүүдийн байр эсрэг тэсрэг байгаа нь энэ асуудал тийм ч амархан нэг тийш болохгүйг харуулж байгаа юм. Ямартай ч Хууль зүйн салбарт шинэчлэл хийж яваа Х.Тэмүүжин сайдыг унагах УИХ-ын гишүүн О.Баасанхүүгийн бойкот энэ удаа хэлэлцэгдсэнгүй.

Д.Энхтүвшин

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (182.160.44.245) 2014-04-14 23:01
      • 0
      • 0

      Хааны алба халаатай эзний алба ээлжтэй гэдгийг санаж яв. Хэтэрхий дураараа авирлаад сайн юм болохгүй шүү

      Хариулах

    • Зочин

      (182.160.44.245) 2014-04-14 23:00
      • 0
      • 0

      Огцорсон нь дээрээ

      Хариулах