100 гаруй ахмадаас бэлгэнд өгсөн цайг нь буцаан авчээ

Twitter Print
2019 оны 11-р сар 08-нд 09:37 цагт
Мэдээний зураг,

Ахмадын баярын өдрөөр Ховд аймгийн Засаг дарга ахмадууддаа хүндэтгэл үзүүлэх нэрийн дор хугацаа нь дууссан цай бэлэглэснийг тус орон нутгийн иргэн цахим хуудастаа анх мэдээлж байсан юм.

Үүний дараа аймгийн Засаг дарга хугацаа нь дууссан ч, хэрэглэж болно гэх мэдэгдлийг хийж байв. Гэвч, иргэнээс ирүүлсэн гомдлын дагуу Ховд аймгийн мэргэжлийн хяналтын газраас шалгалт хийж, уг цайг буцаан хураан авахаар шийдвэрлэсэн байна. Шалгалтаар Улаанбаатар хотын Баянгол дүүрэгт үйл ажиллагаа явуулдаг Gimex ХХК-ий 2017 оны 11 сарын 15-ны өдөр үйлдвэрлэсэн Хөсөг цайны огнооны хэсэгт наалт нааж, 2019 оны 01 сарын 10 гэсэн бичилт хийн хуурамч хаяг шошго үйлдсэн нь тогтоогдсон бөгөөд уг цайг буцаан татан авалт хийж эхэлсэн аж.

Ховд Мэргэжлийн Хяналтын Газар-н зураг.

Одоогийн байдлаар 120 ахмад бэлгэнд авсан цайгаа буцаан өгөөд буй гэнэ.

Г.Ганаа

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.