ҮХЦ-ийн шинэ даргаар Н.Чинбатыг сонголоо

Twitter Print
2019 оны 12-р сар 02-нд 13:59 цагт
Мэдээний зураг,

Үндсэн хуулийн цэцийн нийт гишүүдийн хуралдаан өнөөдөр болж, олонхын саналаар Н.Чинбатыг ҮХЦ-ийн даргаар сонгожээ.

Монгол Улсын Үндсэн хуулийн цэцийн дарга Н.Чинбат өмнө нь  Улсын дээд шүүхийн орлогч дарга, Иргэний коллегийн дарга, Улсын Их Хурлын даргын хуулийн зөвлөх, Засгийн газрын хэрэгжүүлэгч агентлаг- Оюуны өмчийн газрын дарга, Хууль зүй, дотоод хэргийн сайдын зөвлөх зэрэг албан тушаал хашиж байсан. 1998-2004 онд Монгол Улсын Үндсэн хуулийн цэцийн гишүүнээр томилогдон ажиллаж байсан. 2017 онд дахин томилогдон өнөөдрийг хүртэл ажиллаж байгаа  Монгол Улсын гавьяат хуульч цолтой нэгэн юм байна.

Үндсэн хуулийн цэцийн тухай хуулийн 6 дугаар зүйлийн 1 дэх хэсэгт “Цэцийн даргаар сонгох хүний нэрийг Цэцийн гишүүд дотроосоо дэвшүүлэн хуралдаанаараа хэлэлцэж, саналыг нууцаар хурааж нийт гишүүний олонхийн санал авсан хүнийг сонгоно” гэж заасны дагуу Үндсэн хуулийн цэцийн даргыг сонгох үйл ажиллагаа явагджээ. ҮХЦ-ийн экс дарга Д.Одбаяр олон улсын хуралд оролцохоор Солонгосоор дамжин өнгөрөх явцдаа КАЛ-ын онгоцны үйлчлэгч эмэгтэйн өгзөгт хүрсэн гэх хэрэгт холбогдож, долоон сая воноор торгуулан нутагтаа ирсэн бөгөөд түүнийг албан тушаалаас нь чөлөөлсөн билээ. 

Г.Ганаа 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (66.181.161.65) 2019-11-23 10:05
      • 0
      • 0

      Цэцээс, улс төрөөс бр зайл, чамаар Монгол улс дутахгүй

      Хариулах

    • Зочин

      (66.181.168.81) 2019-11-22 16:17
      • 0
      • 1

      Гишүүнээс нь бас чөлөөлөх нь зөв шүү дээ,Монгол төрийн түшээ бэлгийн дарамт үзүүлж болно гэж зөвшөөрөөд байгаа юм уу,хаашаа юм.Түмний элэг доог.....

      Хариулах