Ангарагийн агаар мандлаас хүчилтөрөгч гаргаж авч чаджээ

Twitter Print
2021 оны 04-р сар 23-нд 11:29 цагт
Мэдээний зураг,

Ангараг гараг дээрх NASA-гийн Персеверанс робот Ангараг гарагийн агаар мандлаас хүчилтөрөгч гаргаж авч чаджээ. Энэ талаар Америкийн Сансар судлалын NASA агентлаг, "NASA-гийн 6 дугуйт цоо шинэ робот болох Персеверанс Ангараг гарагийн нүүрстөрөгчийн давхар ислээр баялаг агаар мандлын багахан хэсгээс хүчилтөрөгч гаргаж авч чадлаа." хэмээн мэдээлжээ.

Хүчилтөрөгч гаргаж авах ажиллагааг Персеверанс роботон дээр суурилуулсан MOXIE нэртэй туршилтын төхөөрөмжийн тусламжтай хийсэн ба туршилт энэ сарын 20-нд явагдсан аж. NASA-гийн мэдээлснээр нүүрстөрөгчийн давхар ислээс хүчилтөрөгч гаргаж авах технологийг Ангараг дээр ирээдүйд буух сансрын нисгэгчдэд зориулагдах хүчилтөрөгчийг ялгаруулах, нөөцлөхөд ашиглах аж.

Түүнчлэн сансрын хөлөг онгоцны түлш хүчилтөрөгчөөс хамааралтай байдаг учраас Ангараг дээр судалгаа шинжилгээ хийх багийнхан эх дэлхий рүүгээ буцахын тулд тус гараг дээр гаргаж авсан хүчилтөрөгчийг хэрэглэх аж. NASA-гийн Персеверанс робот өнгөрсөн 2-р сарын 18-нд Ангараг гараг дээр амжилттай газардсан ба тус роботыг зөөвөрлөсөн Америкийн гараг хоорондын автомат удирдлагатай станц нь өнгөрсөн жилийн 7-р сарын 30-нд дэлхийгээс хөөрсөн юм.

Персеверанс робот нь Ангараг гараг дээр буусан NASA-гийн 5 дахь робот юм.

Эх сурвалж: https://www.interfax.ru/world/762815

Орчуулсан: Содномцэрэнгийн Энхзаяа

mongolcom.mn

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.