Монгол-Япон сургалтын эмнэлэг буюу АШУҮИС-ийн эмнэлэг тун удахгүй хаагдах нь...

Twitter Print
2020 оны 03-р сар 06-нд 08:40 цагт
Мэдээний зураг,

Монгол-Япон сургалтын эмнэлэг буюу АШУҮИС-ийн эмнэлэг тун удахгүй хаагдах боллоо. Өнөөдөр зүрхний цахилгаан бичлэгийн цаасгүй, өчигдөр дурангийн тасаг хаагдсан, маргаашаас лаборатороо хаана, дараа 7 хоногоос бүгдээрээ хаагдана.

Япончуудын бэлгээр барьсан, Монголын ард түмний удаан хүлээсэн МУ-ын цорын ганц University hospital нь ийнхүү хаагдахад хүрээд байгаа нь гагцхүү Монгол улсын Засгийн газар өөрийн үүргээ биелүүлээгүйн улмаас төсөв мөнгөний гацаанд оруулсанаас цэвэр үүдэлтэй. Том амалж, ТОМИЛОГДОЖ ирсэн шинэхэн дарга нь эмч нартайгаа нэгээс их уулзсангүй, амалсан төсөв алга. (өмнөх захирлыг халсан шалтгаан)

Улам дордсоор байгаа нөхцөл байдлаас гарахын тулд АШУҮИС-ийн дийлэнхи багш, ажилчид, эмнэлгийн хамт олон нийтээрээ бараг цагийн дотор л нийлж гарын үсэг цуглуулж Ерөнхий сайд, УИХ-н дарга, ЗГХЭГ дарга, БСШУЯ-нд асуудлуудаа тавиад шийдэгдэхийг хүлээж байна.

Японд төгсөгчдийн холбоогоор дамжуулж Японы Элчин сайдын яаманд хүртэл асуудлуудаа танилцуулан бичгийг хүргүүлж үзэж байна. Харин Засгийн Газар хийсэн ажлуудаа танилцуулан телевизийн бүхий л сувгаар мэдээ гаргахдаа Япон стандартын эмнэлэг барьсан, ард түмэндээ хүлээлгэн өгсөн зэргээр цацаж байна. Үнэндээ үнэгүй бэлэг хүлээж авсанаас өөрөөр ажлаа хийсэнгүй гэж хэлэх л байна даа.

Засгийн газар гүйцэд төсөв батлаагүй учраас үйл ажиллагаа нь зогсоход хүрч байгаа энэ эмнэлэг байгуулагдах гэж, нээгдэх гэж, мэргэжилтнүүдээ сургаж авах гэж олон жил шаргуу ажилласан хэдий ч одоо буцаагаад эмч, мэргэжилтнүүдээ, ялангуяа сувилагч нараа алдахад хүрээд байна. Төсөв батлагдаад буцаад нээгдэхэд сувилагч, эмчээ олох гэж дахиад дор хаяж нэг жил болох болов уу даа. Энэ чинээгээр ИХ СУРГУУЛИЙН ЭМНЭЛГИЙН тогтолцоогоор дамжуулан Монгол улсын эрүүл мэндийн салбарын үйлчилгээг сайжруулах Монгол-Японы хамтарсан АЛСЫН том зорилго биелэгдэхгүй аюулд ороод байна.

Энэ эмнэлгийн асуудал зөвхөн АШУҮИС-ийн эмнэлгийн тухай биш юм шүү. Их сургуулийн эмнэлгийн тогтолцоо нь сурган төгсгөж байгаа мэргэжилтнүүдээрээ дамжуулан энэ улсын бүх хүнд хамаарах Ээрүүл мэндийн үйлчилгээнд оролцож, хийж буй олон тооны судалгаагаараа дамжуулан шинэ инновац, шинэ эмчилгээнүүдийг гаргаж, өөрсдийн үзүүлж буй Эрүүл мэндийн үйлчилгээгээрээ бусаддаа үлгэр дууриал үзүүлэх гэх мэтээр улс орны эрүүл мэндийн салбарын хөгжлийн амин тулгуур юм шүү.

Бид одоо айж байна. Урьд ИХ сургуулийн эмнэлэг байгуулж байна гээд хандив төсвөөр байгуулчихаад булаагаад авсан Сонгдо эмнэлгийн жишээ байгаа учир бид айж байна. Айх ч, бас хардах ч эрхтэй.

Нямсүрэнгийн Бат-Эрдэнэ

Тайлбар: Монгол, Япон Засгийн газар хоорондын олон жилийн бүтээлч хамтын ажиллагааны бодит биелэл болох орчин үеийн шинжлэх ухааны ололтод тулгуурласан иж бүрэн тоног төхөөрөмж бүхий Монгол-Япон сургалтын эмнэлэг ангарсан 2019 оны 6-р сарын 16-ны өдөр нээлтээ хийсэн билээ. АШУҮИС-ийн эмнэлгийн барилгын ажил “Монгол-Япон сургалтын эмнэлэг” төслийн хүрээнд 2016 оноос  баригдаж эхэлсэн бөгөөд Япон Улсын Засгийн газрын буцалтгүй тусламжаар эмнэлгийн барилга, тоног төхөөрөмж, менежментийн төсөлд 7.9 тэрбум иен буюу 174 тэрбум төгрөг орчим хөрөнгө оруулалт хийгдсэн.

Монгол Улсын Засгийн газар тодорхой хувийн хөрөнгө оруулалтыг оруулах үүргийг гэрээгээр хүлээсэн. Япон улсын буцалтгүй тусламжаар 360 гаруй нэр төрлийн тоног төхөөрөмж нийлүүлэгдэж байгаагийн дотор хамгийн сүүлийн үеийн өндөр хүчин чадал бүхий MRI, компьютер томограф зэрэг дүрс оношилгооны тоног төхөөрөмж, судсан дотуурх оношилгооны иж бүрдэл, лабораторийн бүрэн автомат анализатор болон бусад тоног төхөөрөмжүүд нийлүүлэгдсэн.

Монгол-Япон сургалтын эмнэлэг-н зурган илэрц

Барилга байгууламжийн хувьд усны цэвэршүүлсэн систем, бүрэн тусгаарлалт бүхий агааржуулалтын систем, аюулгүй байдлыг хянах хамгаалалтын тогтолцоог япон стандартаар бүрдүүлж өгсөн. 

Монгол-Япон сургалтын эмнэлэг-н зурган илэрц

Тус эмнэлэг 2019 оны 10-р сараас эхлэн үйлчлүүлэгчдээ хүлээн авч эхэлсэн. Тус эмнэлэгт нийт 500 гаруй ажилтан ажиллан, их сургуулийн эрдэмтэн доктор, профессор багш нар мэс засал, дотор, хүүхэд, эмэгтэйчүүд болон сэхээн амьдруулах, яаралтай тусламж гэх мэт нийтдээ 17 чиглэлийн 1042 нэр төрлийн эмнэлгийн тусламж үйлчилгээг Монгол Улсын нийт хүн амд үзүүлэх хүчин чадалтай.

Монгол-Япон сургалтын эмнэлэг-н зурган илэрц

Амбулатори нь өдөрт 400, сард 8800, жилд 105600 гаруй үйлчлүүлэгчид эмнэлгийн тусламж үйлчилгээ үзүүлэх хүчин чадалтай бөгөөд улсын хэмжээнд лавлагаа шатлалын тусламж үйлчилгээ, БЗД-ийн 10, 12, 13, 26 дугаар хороонд амбулаторийн тусламж үйлчилгээг үзүүлж байна.

Image may contain: text

No photo description available.

Image may contain: text

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.
    • Зочин

      (103.57.95.162) 2020-03-07 09:02
      • 0
      • 0

      Орчин үеийн техник тоног төхөөрөмжөөр хангагдсан маш сайхан эмнэлэг.Даанч ажиллах хүчин материалаг баазаар дутмаг дутуу хагас ажилд оруулсан нэр зүүжээ.Ажиллаж бгаа эмч ажилчид нь ч сэтгэлгүй нь харагдаж бна.Эмч бхгүй..цаас бхгүй химийн бодис бхгүй гээд хүмүүст хүндрэл учруулж бна.Юмыг хийхдээ тултал нь бүрэн гүйцэт хийгээд хүмүүсийн сэтгэлд хүртэл үйлчилдэг болгочиход яадаг бнаа.Үргэлж гар нь татаастай бх юм.Ийм сайхан олон улсын жишигт нийцсэн эмнэлэг удахгүй балгас болох бий дэ.ХАРАМСАЛТАЙ БНА!!!!!

      Хариулах

    • иргэн

      (103.26.193.175) 2020-03-06 10:27
      • 0
      • 1

      эмнэлгээ авч үзээрэй ямар сайхан эмнэлэг билээ яасан ч ханаж чаддагүй хувалзнууд бэ сонгдо эмнэлгийн Наранцацралтын үед МСSд алдсан одоо бноо

      Хариулах