Сансар огторгуйд олон үзэгдэл зэрэгцэн тохиосон нэгэн шөнө

Twitter Print
2020 оны 12-р сар 22-нд 10:16 цагт
Мэдээний зураг,

Ес эхлэх хамгийн урт шөнө, урд шөнө, өнө мөнхөд дээр мэлтийн мэлцийгч тэнгэр огторгуйд онц сонин үзэгдэл нэг биш болж өнгөрчээ.

Дөрвөн зууны турш ингэтэл ойртон золгоогүй байсан манай нарны аймгийн хийн хоёр үлэмж биетэн бие бие рүүгээ дөхөн ирж, дэлхий ертөнцөөс харвал, үлэмж тод гэрэлтэх нэгэн од мэт болж, өвлийн туйл тас хар шөнийг арай гэрэлтэй гэгээтэй гийгүүлж хоножээ.

Бархасбадь бол манай дэлхийгээс арван нэг дахин том, нарны аймгийн хамгийн аварга гараг, Санчир гараг түүнээс арай бага, дэлхийгээс ес дахин өргөн гэсэн тооцоо бий. Ийм үлэмж том хоёр гараг өрнөдийнхний хэллэгээр бол, ойртон ирж үнсэлдэхэд, манай дэлхий дээр маш сонин үзэгдэл заавал болдог гэсэн домог түүх арвин бий. Урд шөнийн бас нэгэн гайхамшиг бол, солирон бороо буюу тэнгэрийн аль нэгэн хэсэгт үй олон очис асч унтарч, дүрэлзэж бадарч харвах онц сонин үзэгдэл юм.

Бидний ажиглаж мэдэхээр бол, салют буудаж байгаа мэт, бидний хэлж заншсанаар бол, од харваж байгаа мэт, гэхдээ ганц нэгээрээ биш, олон одод зэрэг зэрэг харвах тэнгэр огторгуйн нэгэн үзэгдэл, онц сонин үзүүлбэр ч гэж болохоор. Манай бөмбөрцгийн өмнөдөд нар буцах, хойд хагаст ес эхлэхтэй зэрэгцэн ер бусын үзэгдэл огторгуй тэнгэрт нэг биш болжээ. Чухам юу болж өнгөрснийг уужуу аажуу, тавтай тухтай шинжлэх ухааны үндэстэй лавлан үзэцгээе дээ.

До.Чулуунбаатар

 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.