Эдвард Сноуден үнэний төлөө шагнал хүртэв

Twitter Print
2014 оны 04-р сар 09-нд 08:31 цагт
Мэдээний зураг,

Америкийн тусгай албанд ажиллаж байсан Эдвард Сноуден Риденаурын “Үнэний төлөө” шагнал хүртэв. Түүний нууц материалуудыг олны хүртээл болгоход тусласан найруулагч, сэтгүүлч Лаура Пойтрест мөн энэ шагналыг бас олгожээ. Вьетнамын дайнд оролцож явсан, ээдрээтэй хэрэг явдлыг эрэн сурвалжилж нэрд гарсан сэтгүүлч Рон Риденаурын дурсгалд зориулсан энэ шагналыг Үндэстний хүрээлэн, Фертелийн сан санаачлан бий болгожээ. Уг шагнал “Үнэний төлөө”, “Эр зоригийн төлөө”, “Шилдэг ном”, “Шилдэг баримтат кино” гэсэн дөрвөн төрөлтэй юм. Энэ шагналыг АНУ-ын 39 дэх Ерөнхийлөгч Жимми Картер, сэтгүүлч Глория Стайнем, Энтони Шадид нар хүртэж байсан бөгөөд эхнийхийг нь 2004 онд гардуулсан байна. Шүүгчдийн нэг болох Даниэль Брайан “Пойтресийн гавьяаг дутуу үнэллээ. Лаура байгаагүй бол бид Сноудений нэрийг мэдэхгүй байсан. Гэхдээ ийн хэлж буй нь Америкийн үндэсний аюулгүй байдлын агентлагийн үйл ажиллагааг Сноуден илчилснээр төрийн бодлогыг жирийн хүмүүс бодож тунгаахад асар их нөлөө үзүүлснийг үгүйсгэж буй юм биш” хэмээн тэмдэглэжээ. МонЦаМэ

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.