Өвөрхангай Тэнүүн-Өлзий гурав дахь ялалтаа авлаа

Twitter Print
2019 оны 12-р сар 05-нд 15:49 цагт
Мэдээний зураг,

Өвөрхангай Тэнүүн-Өлзий баг улирлын дөрөв дэх тоглолтоо Баянхонгор Мазаалай багийн эсрэг хийсэн юм. Бөмбөг тоглолт оролцсон мөчөөс хоёр баг тэнцүүхэн тулааныг өрнүүлж байв.

Эхний үе 26-26 аар тэнцүү, хоёрдугаар үе 53-49- өөр Өвөрхангай Тэнүүн-Өлзий багийн илүүтэй, харин гуравдугаар үе 81-79 мөн Өвөрхангай багийн хоёр онооны зөрүүтэй өндөрлөсөн. Харин дөрөвдүгээр үед Өвөрхангай Тэнүүн Өлзий багийн залуус энэ тоглолтын хамгийн их буюу 13 онооны зөрүүг үүсгэсэн юм. Улмаар 111-104 харьцаатай өрсөлдөгчөө буулган авч улирлын гурав дахь хожлоо авлаа. Тус тоглолтод Б.Тамжид 20 оноо, 7 самбар, 9 оновчтой дамжуулалт өгсөн бол эсрэг багаас Маркус Хэммондс 34 оноо, 10 оновчтой дамжуулалт, 8 самбараас бөмбөг авалт гүйцэтгэжээ.

Дайчид ялагдалгүй цувралаа үргэлжлүүллээ 

Архангай Алтан Дорнодын Дайчид баг улирлын тав дахь тоглолтоо Улаанбаатар багийн эсрэг хийлээ. Лигийн хамгийн залуу бүрэлдэхүүнтэй баг энэ удаад Үндэсний лигийн гурван удаагийн аваргуудын эсрэг сонирхолтой өрсөлдөөнийг үзүүлсэн. Тоглолт эхэлсэн мөчөөс Улаанбаатар багийн залуус эрч хүчтэй байж эхний үеийн төгсгөлд 17 орчим оноогоор тэргүүлж эхлэв.

Улмаар эхний үед оноогоор илүүрхэж дуусгаснаас гадна М.Өлзий-Орших долоон удаа гурван онооны шидэлтийг амжилттай гүйцэтгэж Үндэсний лигийн нэг үед хамгийн олон гурван онооны шидэлт оруулсан тамирчин болсон юм. Харин Дайчид баг хоёрдугаар үед оноог ердөө дөрөв болгож ойртуулсан. Улмаар хоёрдугаар хагас тун тэнцүүхэн өрнөж явсаар 100-105 харьцаатай Архангайн Дайчид хожсон. Ийнхүү Архангай Алтан Дорнодын Дайчид 5-0 гэсэн гайхалтай амжилттайгаар улирлаа үргэлжлүүлэхээр боллоо.

А.Алтанчимэг 

 

Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
    АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.mongolcom.mn хариуцлага хүлээхгүй.